住特色民宿滿$600即減$300

住特色民宿滿$600即減$300

相關信用卡:

住特色民宿滿$600即減$300

發表日期: 2014 年 08 月 18 日 更新日期: 2014 年 08 月 18 日 旅遊

作者:Lady C.

去旅行想舒服想歎就住酒店、Resort,想慳錢想同多啲人交流就住青年旅舍,不論住邊一種地方都有不同體驗。當然民宿亦係一種非常歡迎嘅住宿地點,因為可以同當地人同住,更直接深入了解當地生活文化。

唔知大家有冇試過去Airbnb訂房?佢聲稱喺全球190多個國家、34,000個城市都有民宿出租,而佢啲民宿可以好平,環境又企理,抵住過比起二、三星酒店;有啲就設計到好有品味,絕對唔差得過五星級酒店。

房價有平有貴,好多選擇。

大廈高層有閣樓,一排大窗可以睇夜景,拍得住總統套房,但係房租都係千幾蚊。

點解住民宿:
-價錢平貴選擇多,細心搵仲可以搵到地點就腳又平嘅地方。
-免費上網、WiFi、仲可能會提供埋WiFi蛋俾你。
-屋主做清潔應該會細心過酒店阿姐,話晒自己間屋,起碼唔會求其。
-有廚房廚具,想慳錢可以自己煮,仲可以行下當地街市,學下當地菜式。

去Airbnb訂房要留意:
-留意星數,佢分為符合描述、溝通交流、整潔度、地理位置、入住、價值等等俾星,最多五星,四星以上就應該OK。
-留意評價,Airbnb有攝影師幫民宿影相,所以間間都影都好靚,有圖未必係真相。如果發現住客評價多數都係讚屋主好人,而冇乜提過間屋係點,就可能係住客們手下留情。
-事前最好同屋主溝通下,有乜問都可以經Airbnb網站聯絡屋主。
-自我介紹最好寫多啲,用真人相,提高屋主對你嘅信任,因為佢一個唔放心,即時可以拒絕租俾你。
-如果住得時間夠長,可以禮貌地試下問屋主有冇Discount,當然唔好老奉咁飛擒大咬啦。
-除咗房價,Airbnb會收6%至12%服務費。只有喺屋主主動Reject或Cancel訂單先有得拎返。
-俾錢時可以用主要信用卡、PayPal或銀行過數,但係收外幣,如果簽卡就可能要手續費。
-改期規則列明係「嚴格」嘅民宿,就算提早好多改期或取消,亦唔會收得足。

如果睇啱心水,諗住下次旅行去住,用星展卡訂滿$600或以上,俾錢時輸入優恵碼,可即時減$300 (詳情),如果張單$600多啲,就差不多係半價,都幾So。預訂期由而家至10月15號,可以係12月31日前入住,仲有時間俾大家Plan下。