今年日本春夏Cosme十大最人氣藥妝
今年日本春夏Cosme十大最人氣藥妝
相關信用卡:

今年日本春夏Cosme十大最人氣藥妝

發表日期: 2017 年 05 月 09 日 更新日期: 2017 年 05 月 09 日 購物
作者:Salad Ho 沙律

鍾意日本藥妝嘅朋友一定有聽過COSME呢個大名。COSME日本最大的化妝美容綜合網站,選出嘅排行榜非常權威,因為係由消費者評選,係各位遊日敗家指南!今次精選17年春夏Cosme排行榜十大最人氣藥妝,有啲items已經唔只一次上過榜,絕對不能錯過!

 

No.1 OPERA Tint Oil Rouge 1500yen

 

Opera係日本超強人氣唇膏品牌,多次得到COSME獎項,今季推出6款顏色,十分顯色,加入咗美容油成份,所以好滋潤,令雙唇望上去透亮彈潤,唔怪得得到COSME大獎No.1。當中最受歡迎就係5號珊瑚色,紅色中帶點橙色,顯白而且非常夏天。

 

No.2 dior lip maximizer 3600yen

頭2位都係唇部用品天下。dior lip maximizer一直都係COSME唇彩部長勝將軍,係日本妹子嘅寵兒,睇日雜都經常見到佢哋長備一支喺手袋。dior lip maximizer潤唇效果可以維持約4小時,搽上唇後,唇紋明顯減淡7成,超神奇!因為當中蘊含骨膠原,其中嘅海洋豐唇圓球柔化、柔滑咀唇。唇彩帶有香草薄荷香氣,好清新。用法方面,可當底霜,加強唇膏色彩同細滑效果,又或者搽唇膏後使用,可增強光澤。如果於每日早上化妝前或晚上使用,可以當作唇部護理。


Cosme用家實物圖:
 

 

No.3 KATE眉粉 1200yen

Kate眉粉係Kate嘅王牌,有唔少彩妝達人都推薦佢,可以畫自然立體嘅眉型。除咗用嚟畫眉之外,仲可以當鼻用影,使眼部更有立體感。眉粉餅仲附送雙頭用眉粉刷同一塊小鏡, 帶出街補妝都好方便。

Cosme用家實物圖:

 

 

No.4  COSME DECORTE AQMW單色眼影膏 2700yen

COSME DECORTE 一出當月即熱賣4萬個,造成搶購熱潮。呢粒單色眼影膏用咗全新3D彈力科技,質地好似彈力Mousse咁柔軟,輕輕抹在眼皮上非常貼服顯色,光澤仲非常細緻。就算唔識化妝,都可以輕輕鬆鬆化出漸層眼妝。當中以大地色最受歡迎,夠百搭,咩場合都可以使用。

Cosme用家實物圖:

 

No.5  Addiction 眼影 2000yen

ADDICTION眼影有99色選擇,以柔絲、霧面、珍珠、金屬4種質地分類,喺日本大受歡迎。春季系列同20世紀瑞典畫家Hilma af Kint合作,以水彩畫做靈感,打造抽象畫眼影,用全新眼影製法FLORAL MOSAIC,壓縮多種顏色成為一個眼影,好睇又好用。

韓劇《鬼怪》裡飾演炸雞店老闆娘嘅劉仁娜,於劇中去ADDICTION試妝,用咗No.29、No.56單色眼影


 

眼影92 Mariage (P)最受歡迎。


Cosme用家實物圖:

 

 

6.heavy rotation 染眉膏 800yen

 

heavy rotation 染眉膏顯色度高,一刷即上色,可以明亮修飾眉毛光澤。另外採用高效機能型眉刷,令眉膏可以輕易附著眉毛,最抵讚係夠自然,刷頭唔會結塊,可以輕鬆上色。而且防水、耐汗、抗磨擦,令妝效持久,不過用暖水就可以輕輕卸走,十分受歡迎。最理想用法係第一次塗抹後,於液體乾掉之前再重複塗上,咁就可以擁有完美眉色。

Cosme用家實物圖:

 

No.7 esprique丰靡美姬.幻粧 魅光寶石眼影 800yen

 

 

含有鑽石粉末嘅鑽石粉體,塗上眼好BlingBling!而且好持久,可Keep到夜晚都唔溶妝。含有滋潤、滑順易延展嘅板狀「氨基酸粉體」,所以質地貼服薄透,可打造透亮、不造作嘅自然眼粧。

Cosme用家實物圖:

 

 

No.8 Canmake quick lash curler 680yen

 

 

有三種效用:鬈睫、保護同防水防油。佢可以咁持久因為蘊含兩種薄膜成份有效阻隔水份、淚水同油份溶化。波浪型掃頭仲可以完美地緊貼睫毛型態,確保每根睫毛均可營造出豐盈美睫效果。

Cosme用家實物圖:

No.9 DAISO 大創眉毛定型液eye brow coat 100yen

 

 

邊個話平嘢冇好?DAISO 12蚊店一直臥虎藏龍,有唔少超平化妝品好物,例如呢件眉毛定型液就一直超好賣!畫完眉後輕輕掃一層,唔會影響到眉毛本身顏色。無懼出油、脫妝、出汗、玩水影響,護眉時間長達10小時!

 

COSME做過測試,運動出汗20分鐘,左邊眉塗咗眉毛定型液依然Keep得到,右方冇用就甩得七七八八。

 

10.EXCEL眼影 1500yen


獨家配方配製出柔和嘅大地色系眼影。每盒有4色,只需順序由淺至深色使用就可簡單打造專業級自然漸變妝效,令雙眼更富層次感。由於配方蘊含幼滑晶鑽粉末,令妝感有亮澤感。仲有!眼影粉含保濕成分角鯊烯,化妝同時可以滋潤眼周肌膚,減少浮粉脫色。

Cosme用家實物圖:

 

Cosme