交稅有回贈 信用卡繳稅優惠第二回

大家之前交第一期稅，係咪一次過交埋第二期稅？如果仲有第二期未交，可以簽卡交，因為有啲銀行仍然有第二輪信用卡交稅優惠，又可以幫補下。

 

東亞
優惠期至：4月30日
優惠：
透過電子網絡銀行服務繳交2015/2016年度薪俸稅及個人入息課稅滿指定金額，可獲現金回贈，優惠期內每個主卡賬戶回贈上限$300。

繳稅金額 / 現金回贈比率
$5,000 - $9,999 / 0.15%
$10,000 - $29,999 / 0.20%
$30,000或以上 / 0.25%

 

渣打 (須登記)
優惠期至：4月30日
優惠：
以渣打 / MANHATTAN Visa 信用卡透過網上理財或電話理財繳稅$20,000或以上，可獲$50現金回贈，每人回贈上限$50。已成功登記參與「Good Life春日消費賞」推廣計劃之特選客戶不合資格參與此推廣。

 

大新
優惠期至：3月31日
優惠：
透過網上理財 / 流動理財服務繳稅累積$10,000或以上；及提交2015/16 年度之個人入息稅單；及自僱人士或非固定入息人士提供最近兩個月顯示入息之銀行月結單或存摺，可獲$100現金回贈，每位主卡客戶可獲回贈上限1次。

 

 

可以幫人交稅
除咗自己交稅，呢三個優惠都可以幫人交稅，而且交稅額係累積計算，可以夾埋屋企人一齊交嚟賺回贈。不過要留意，大新如果幫人交稅，都係要交返自己嗰份稅單同埋入息證明 (自僱人士或非固定入息人士)。

 

交稅$10,000以下－東亞
東亞門欖最低，交$5,000起就有回贈，雖然交$5,000只係回得$8，好過冇啦。

交稅$10,000－$39,999－大新
交夠$10,000可以用大新，回$100即係1%，以比率計係最高。

交稅$40,000或以上－東亞
由於東亞回贈上限係$300，交多過$40,000就會比大新$100多，可以交到$120,000賺盡。