中秋做節食盆菜

每逢大時大節，家族親戚都會聚會做節，一家人熱熱鬧鬧齊齊整整咁食餐飯。有人會自己煮，但人多勢眾的話，煮起來好大陣仗。好似我屋企就係，每次做節都要煮十幾廿人嘅份量，近年就傾向買兩、三個盆菜返嚟，然後準備多啲生菜，好似羊腩煲咁淥熟啲菜，慳返唔少準備功夫，方便好多。有好多餐廳食肆都有做外賣盤菜，好似美心MX、鴻星、大家樂，少至5位用，多至10位用，屋企人多人少都得。

除咗基本盆菜材料，美心MX個福聚滿盆盆菜有瑤柱碎、蠔豉、豉油皇蝦、南乳豬手、盬香雞、燒鴨、紅燒豬脷、炆鴨掌，反而6位用就有原粒瑤柱，可以半價配6隻百花釀蟹鉗，同埋伊麵、炒飯、甜品。鴻星30頭原隻鮑魚金裝盆菜有12隻鮑魚，比較得體。大家樂盆菜有原粒日本宗谷瑤柱、日本蠔豉、黃金福袋、茄汁中蝦，可以特價配素翅。

佢哋都有夾信用卡做優惠，例如美心MX X 渣打 (詳情)、鴻星 X 東亞 (詳情)、大家樂 X 星展 (詳情)。另外AEON (詳情) 盆菜可以配壽司、海鮮、熱葷，選擇多啲，啱唔同口味嘅家族成員。