中左一億六合彩點算好?

中左一億六合彩點算好?

相關信用卡:

中左一億六合彩點算好?

發表日期: 2016 年 05 月 05 日 更新日期: 2016 年 05 月 05 日 生活

作者:高俊權 (高sir)

<高sir隨筆>: 六合彩是不少人的希望, 古早年代有套<富貴逼人>系列的港產電影, 劇情完全道出了香港人想中六合彩的横財夢. <富貴逼人>系列有三部, 故事主角一家人連環中過幾次六合彩頭獎, 但, 在現實中甚少聽閒身邊有朋友連續中多次獎, 莫說頭獎, 中多過三個字的次數都寥寥無幾.

WELL, 筆者每期都會買六合彩, 唔賭唔知時運到! 機會永遠都係度, 買就有中獎的機會, 唔買連中安慰獎的機會都冇. 相信不少都有人想過, 假如今期六合彩中左, 點樣用筆錢去享受生活!? 當然, 每次的故事結局都會不停重覆, 現實是殘酷的,明天請準時起身返工!

大多數人的横財夢, 都會諗到各式各樣的消費活動, 每個人心目中都有個list,例如: 名車, 名錶, 女人, 男人! 又或, 有咁豪食咁豪, 辭掉工作, 環遊世界, 彩金數額大的, 更加會諗到買隻遊艇, 大宅, 私人飛機, 更甚者買個島等云云.

以上, 諗起都開心了罷!? 大多數人在意外得到一筆横財後, 第一時間諗到的是「消費」! 計劃去享受人生, 甚少人會諗到, 究竟可以點樣好好運用一筆資金, 去把財富繼續增值! 有人可能即時聯想到, 中左六合彩, 仲做野係咪有問題? 仲諗點樣去增值, 係咪天生犯賤!? 卻, 上天慷慨地授予一筆巨款, 如果唔好好運用,  理論上不論你巨額有多少, 其實都唔夠你玩好幾年. 假如, 只懂得吃喝玩樂的一群, 總會重返「貧窮」之路.

機會是留給有準備的人, 你不能計算到自己幾時有一筆横財, 又, 你總不能計算到自己幾時可以發達, 但在未發達之前, 就該要做好準備, 調整自己的心態, 去增值自己的思維, 這昰必要的. 假如, 有一筆大橫財, 你需要知道怎樣去做好分配的工作, 你可以用一部分去享受人生, 因為人生是需要有一刻去休養生息的, 但, 休息過後你更加要知道怎樣好好運用財富去增值, 例如, 把一部分進行增值性投資, 如股票收息, 盈富基金(2800)是一個好選擇. 又; 進行一些穩陣性投資, 把固定的一部分資金再得以在低風險下增值. 買房收租是另一之選, 待物業長時期增值回報後, 資本便可得以增加, 當然, 你有眼光的話, 可以進行業務收購, 去發展自己事業等.

這樣, 總比在得到一筆可觀的財富後, 散盡千金的生活來得有保障, 才能真正遠離貧窮之路. 不單純以中六合彩才要有這樣的思維, 在投資上假如你突然有一筆可觀的盈利, 也必須要這樣.

這篇, 我寫在六合彩巨額獎金一億開獎前, 祝大家好運!