​iPhone 6上台Plan格價

上星期五大家訂到iPhone 6同6 Plus冇？有冇不幸者被Apple Cut 單？今日朝早10點豐澤又做易賞錢會員預約買機，希望斷絕排隊黨後路，但又係塞車塞到爆，我Load咗成朝，Load到Lunch time先預約到。聽朝8點Apple個預約應該仲難搶，因為外國都有預約，炒家可能用外國預約網頁做辦寫定Bot，如果香港預約同外國一樣，即刻可以用得，或者改少少就OK，咁人手就真係唔慌搶得贏 (不過頭三日趁啲Bot要Fine tune，點都要試下預約)。

萬一真係預約唔到，都仲有方法買機嘅，就係去電訊商出機。csl、1010、3HK、數碼通、中國移動香港都出咗iPhone 6月費Plan，睇下邊間出機平啲先。

每間電訊商嘅iPhone 6 Plan，相對返買機Plan其實都係加咗價。經過比較之後，喺1GB、2.5GB、6GB Plan入面，中國移動香港嘅Plan基本上係最平，而出iPhone 6 Plus用1GB Plan就3HK比中國移動香港平少少。而且中國移動香港嘅中國數據漫遊可以扣香港數據用量，iPhone可以支援大陸中國移動4G，經常往返大陸嘅人士就啱晒。雖然1010都係最貴，但出機會送Asia Miles里數，而且客戶服務比較好，又要求嘅用戶可以諗諗。如果要最平，唔計較數據用量低啲，就去3HK出機。如果第一日就有機，劏機都隨時有少許斬獲。