​Asia Miles換機票路線之韓國篇 兼玩東京大阪九州

韓國出名嘅除咗泡菜、oppa同部隊鍋之外，仲有東大門－女人嘅天堂，男人嘅囚室。東大門每個商場總會有一堆堆男人呆坐，等女友shopping完換領返佢哋。其實東大門都有男裝鋪頭，建議男士下次再踏足呢片戰場嘅時候做好research先，可以打發下時間嘛～
呢排yen又升返(掩面)，睇嚟唔少人會轉肽去韓國，而家講講AM換韓國機票嘅路線吖。

1. 直航來回：

可以由香港直航去韓國呢2個機場(仁川機場同釜山機場)，里數同樣都係30,000里。

A)香港－首爾仁川－香港
 

國泰經濟客位所需里數：30,000

B)香港－釜山－香港

國泰經濟客位所需里數：30,000

2.香港－仁川－釜山－香港

因為AM冇提供韓國內陸機，如果想玩晒首爾＋釜山，可以喺首爾做咗知open jaw，再自費由首爾玩去釜山，然後喺釜山返香港。首爾去釜山有幾個方法～例如有內陸機(約1個鐘／釜山航空/連稅約港幣＄4XX起)、長途巴士(約4個半鐘／港幣＄1XX起)、KTX火車(約3個鐘約港幣＄400)。

國泰經濟客位所需里數：30,000

3.香港－首爾－東京－北海道－香港

講下日韓路線先～首先喺首爾停留，由首爾飛去東京停留，自費搭內陸機(ANA／港幣＄8XX起)去北海道，最後由北海道返香港。

國泰經濟客位所需里數：30,000

4.香港－東京－首爾－香港

呢條路線主要以藥妝巨頭東京同首爾為主，由東京買到去首爾，再返香港。

國泰經濟客位所需里數：30,000

5 香港－大阪－東京－首爾－香港

一次過可以去晒大阪、東京同首爾，不過大阪去東京嗰程就要自費。新幹線最快155分鐘，票價由13,240 yen起。內陸機嘅話，時間約1個鐘左右，搭ANA都只約港幣＄8XX起。

國泰經濟客位所需里數：30,000

6.香港－福岡－鹿兒島－東京－首爾－香港

呢個路線先出發到日本北九州嘅福岡，然後自費玩落南九州鹿兒島，如果你有時間，我建議搭下九州特有嘅幾架特色列車遊九州，因為好有當地特色而且架架都好靚～例如「海幸山幸」號嘅計設靈感係來自日本傳說故事，車上仲有乘務員姐姐講故仔。到達鹿兒島停留後，可以順道試下當地出名嘅蕃薯土產。然後飛去東京停留，再出發到首爾～然後由首爾返香港。行程比較複雜，最好早少少打上hotline問問客服，睇下航班情況可唔可行～
 

國泰經濟客位所需里數：30,000