​AE著數漸漸縮水？

信用卡經常都會改Terms，轉優惠，其實見怪不怪，不過優惠或獎賞縮水，對於我哋消費者嚟講，始終都會唔滿意。如果係一啲普通嘅卡都算，一啲年費較貴，形象較高嘅高級卡，都慢慢改Terms、Cut優惠，會令人愈來愈覺得吸引力慢慢消失，甚至Cut卡費事嘥年費。今次我想講嘅就係American Express美國運通，呢幾年有啲會員權益Cut咗，但年費又加咗，高階卡年費又企硬冇得Waive，傳統富貴客戶其實唔會介意，只係我呢啲貧苦大眾先會覺得冇以前咁好用。

我搵到以下近幾年AE卡優惠嘅縮水史：

－國泰航空尊尚信用卡改咗里數兌換率做本地簽賬$6=1里數同海外簽賬$4=1里數，儲里數係著數咗，不過同時全年無限次入Priority Pass機場貴賓室就改做每年4次，對於經常飛嘅卡精，自然有直接影響。

－白金信用卡「加倍加賞」自2012年起要交$240年費。

－白金卡年費由2013年加到$7,800。

－生日月送俾會員嘅Coupon愈來愈少，國泰航空信用卡生日禮待被取消。

－取消兌換泰航蘭花哩程里數。

－白金卡同白金信用卡美膳會嘅美心集團旗下中菜食府同m.a.x. concepts國際食府最低5折優惠，星期五至日由67折變做75折。

－Centurion卡會員沙田馬場會所私人包廂使用權益取消。

當然，AE都仲有啲唔錯嘅會員權益：

－無憂消費主義有30日退貨保證、45日購物保障 、延長保養服務、價格保障。

－白金信用卡星期四、五電影戲飛買一送一。

各位AE卡用戶，歡迎發表下你哋對於用緊嗰張卡嘅意見，點解仲用緊 / 唔用？