​9.16 預約iPhone 6

​9.16 預約iPhone 6

相關信用卡:

​9.16 預約iPhone 6

發表日期: 2014 年 09 月 12 日 更新日期: 2014 年 09 月 12 日 購物

作者:炸雞波

一陣三點就開始預售iPhone 6,各位準備好未?如果各位準時入到去Apple Store嘅話,應該可以順利買到機。不過如果今日唔好彩,或者開緊工唔方便 / 唔得閒買,咁就唯有等下一輪開賣,或者下星期二16號朝早八點預約,然後19號去Apple Retail Store攞機。(提提大家,今日部分電訊商都正式開始預約上台出機,例如數碼通同中國移動。)


Apple預約之前試過玩抽籤,入完等Email派彩;上次要先用手機Send SMS拎Code,然後先可以預約,今年到底用咩方法呢?真係要嗰日先知喇。當日八點前留意住Apple Store官網會出現預約連結,八點前幾分鐘入到去開始「F5」。預約一般係要用「政府發出嘅ID」,例如身份證、護照、甚至回鄉卡預約,所以大家不妨準備好呢啲證件,但我建議都係用身份證最穩陣,預約到會有Email通知,買機時當然要記得帶用證件去。最重要係輸入個人資料絕對唔可以錯,那怕打錯一個字母,或者前後調轉咗,Apple都唔會俾你買機。另外就係要準時,按照預約時間去買機,即使遲到5分鐘都可能唔賣俾你。

不過正如我琴日講,預約比網上訂購更難,點解呢?預約可以正式發售第一日就拎到機,不論係想「早買早享受」用家還是要首日放高價賺到盡嘅炒家都鎖死目標,又係萬人齊搶。嚴格嚟講,只有頭三日用人手預約會有機會,因為各炒家會製作預約Bot程式,每日自動化預約,試問人手又點夠快呢?不過喺網上討論區見到有人放預約Bot程式出嚟,話係今次預約用。睇佢地放出嚟嘅圖,似乎係假設今年同上年一樣咁玩,但係既然今年預約都未開始,佢地又點知預約機制係點呢?相信只係玩嘢,呃Like呃賜酒。同一般電腦程式一樣,就咁用一來歷不明嘅Program,有冇諗過部機會中毒中木馬?或者會偷各位嘅個人資料?為咗部手機咁搏法,真係值得?

至於預約邊間,就睇大家邊間就腳,不過揀又一城會多少少著數,因為由9月13號至10月13號,喺又一城用美國運通卡消費滿$1,200或以上 (最多3張單),就有即抽即獎禮品一份 (價值最高$1,000) 同3次抽獎機會,用其他信用卡 (包括其他銀行AE卡)、銀聯、八達通、易辦事消費滿$1,500或以上 (最多3張單),一樣有即抽即獎禮品一份同1次抽獎機會,買一部都夠抽獎。抽獎獎品係大家都好鐘意嘅Asia Miles里數,頭二三獎各一名,分別有240,000里數、180,000里數、120,000里數。

最後,當然唔少得信用卡買機簽賬優惠,希望大家買到機之餘,仲賺埋額外獎賞,各位加油!

匯豐信用卡
簽賬累積簽滿指定金額 (每單要過$500),除咗基本$250=$1「獎賞錢」,仲有額外「獎賞錢」,最多額外送$1,000「獎賞錢」。
累積簽賬$20,000或以上:額外$1,000「獎賞錢」
累積簽賬$10,000至$20,000以下:額外$400「獎賞錢」
累積簽賬$6,000至$10,000以下:額外$100「獎賞錢」
優惠期:至10月19號

建行(亞洲) 銀聯雙幣卡
簽滿$2,000,之後金額可賺5X積分。整個優惠期最多可獲150,000額外積分。
優惠期:至9月30號

建行 (亞洲) VISA / MasterCard卡
939積分第二階段,簽滿$4,500,賺13,500分,其後每簽$100就賺939分,賺盡75,000分,簽$12,400就可以賺晒88,500分,買一部機已經過一半。
優惠期:至9月30號

富邦白金卡/Titanium
預約到星期六、日每滿$300或以上本地簽賬有2X積分。每次簽賬満$600或以上,可參加抽獎贏積分。