​[Asia Miles] 你可能不知道的儲里數方法 - 番外篇

今次係這個儲里數系列的最後一篇
一於同大家介紹比較冷門的方法
正常平時未必成日用得著，但需要起上黎，呢D都係Bonus黎架！

(一)參觀展覽可獲里數
只要預先報名香港貿易發展局舉辦之指定展覽，就可獲得250-750里數
話就話只限業內人士參觀，但實情是只要有提供公司名/職位/卡片就OK~
但唔少活動在平日舉辦，夾唔夾到時間就要睇閣下造化喇


以2014年為例，如果你真係可以出席晒所有32個活動，總共可以儲到9,550里數！！！
(部份展覽需全數出席方可獲得里數，可參考下表)

現階段就暫時未有展覽暫開放登記
記得定期留意住AM官網更新喇~ (網址︰按此)


(二)身體檢查
老土都要講句︰除左世界和平，身體健康最重要！
原來做body check都可以儲里數，但暫時只有兩間醫療機構的指定計劃參與
每HK$8=5AM，消費金額限500-10000 (每張單計)

兩間我都無幫襯過，亦唔想幫人賣廣告
所以有關計劃內容、服務質素、收費平貴等等，就有待大家發掘喇


(三)洗衣服務
看圖識字，唔洗解釋喇卦......


(四)買金器、首飾
繼續只此一間
金價間間差不多，若咁?自己/屋企有人娶需要買黎送禮自用
如果款式合適而又合符budget的話，梗係賺埋里數啦！


(五)訂閱報章/雜誌
暫時只限五份報章雜誌，全部都係商界人士恩物，娛樂、八卦、旅遊通通無份
如果有幫開老闆訂閱的秘書小姐/私人助理，又或者係公司Admin部門，可以留意下呀！


(六)買樓都有得賺里數！
我諗真係唔係認真做過功課都未必知，買樓/租樓係可以儲里數囉~~~~
不過呢......獨市生意！仲要?澳門！！
但係儲里數的比率唔錯架，所以如果你有需要到澳門工作的朋友
又或者係資深投資者會在當地置業的話，不妨睇下呢間地產代理喇



睇完上述六個儲里數方法，好似幾「雞肋」咁......
但請緊記︰要儲多D里數就絕對唔可以懶!!!
一定要熟悉不同方法，才能達至「用最低成本賺取最高回贈」的最高境界！


儲里數系列暫告一段落，其他特別的儲里數方法，歡迎大家隨時分享交流
講完點儲，之後或者同大家分享下點用d里數啦~