​(渣打) 信用卡八達通自動增值儲Asia Miles之比較

​(渣打) 信用卡八達通自動增值儲Asia Miles之比較

相關信用卡:

​(渣打) 信用卡八達通自動增值儲Asia Miles之比較

發表日期: 2016 年 06 月 27 日 更新日期: 2016 年 06 月 27 日 Asia Miles 信用卡旅遊

作者:Salad Ho 沙律

新界人嚟講,我都算邊境人士(呢邊冇牛OK?)。如果每日車程可以儲里數,我應該環遊世界咗幾轉。呢家車費持續有加冇減,唔少人都用八達通增值呢個必要開支去儲里數。呢家好Hit嘅「渣打亞洲萬里通萬事達卡」原來有做緊八達通增值儲Asia Miles服務,想扑鎚之際,見到渣打個網狂推「渣打銀聯雙幣白金信用卡」,當中個八達通增值儲Asia Miles獎賞做緊2倍優惠~聽落又好抵咁喎,嚟個PK睇下揀邊張吖。

總括而言,呢2張卡嚟講,若果想用信用卡自動八達通增值去儲Asia Miles,渣打亞洲萬里通萬事達卡似乎抵啲,而且免轉換里數手續費,值得投佢一票。

八達通自動增值Q&A 

1
Q:最多可以幫幾多人增值?
A:可同時為三位附屬卡持有人申請「八達通自動增值」服務。每次增值,持卡人都可以獲贈「360° 全面賞」積分或現金回贈。

2
Q:申請資格係點?
A:持卡人要年滿18歲,有已參與八達通自動增值服務嘅港幣信用卡。另外可以為年滿12歲或以上之親友嘅八達通 (合計最多三張)申請自動增值服務,但每張八達通只可申請一項自動增值服務。

3
Q:如果唔見咗八達通,會唔會畀人帶機可乘瘋狂增值?
A:如果唔見咗八達通,持卡人毋須承擔由成功報失起計3小時後嘅損失。而每張八達通每日只可自動增值一次,瘋狂增值係唔存在。

4
Q:如果唔見咗有自動增值功能嘅八達通,應該點做?
A:即時打去八達通報失熱線2266 2266向八達通卡有限公司報失。

5
Q:邊到可以睇返總共增值金額?
A:每月月結單會列晒每次自動增值紀錄。

6
Q:點樣申請?
A:方法有三:

一) 網上申請
填返簡單嘅form再sumit就可以喇。

二) 可直接打去申請熱線: 2209 5511

三)傳真

Download渣打信用卡「八達通自動增值服務申請表」,填好之後傳真去2282 0219/郵寄去東九龍郵政信箱68394號渣打銀行(香港)有限公司。

成功批核後,會有專函通知點去啟動八達通自動增值功能。如果八達通嘅自動增值功能未啟動,申請人要去有關車站嘅客務中心/售票處啟動自動增值功能。如果申請人係首次申請/曾取消八達通自動增值服務,申請人就要去指定地點啟動/重新啟動自動增值功能。

7

Q:申請八達通自動增值服務係咪免費?

A:第一次申請八達通自動增值服務係免費。不過如果想轉換扣賬銀行/重新啟動自動增值功能,就要畀返$20手續費。手續費會喺成功批核申請之後,喺新指定嘅銀行戶口扣取。

8

Q:如果之前喺A銀行選擇每次自動增值$150, 之後想轉用B銀行服務,但B銀行只提供每次自動增值HK$250,咁應該點做?

A:

一) 申請人要改返每次自動增值金額為HK$250先可轉銀行。

二)取消B銀行信用卡八達通自動增值服務,再重新申請A銀行八達通自動增值服務。申請人要畀返相關手續費。