​迎新賺里數邊張卡抵？(2016年3月號)

最近有啲信用卡更新咗迎新優惠，又有專門儲蓄里數嘅新卡出，又係時候睇下邊張卡嘅迎新里數抵賺。今次搵咗啲主要係儲Asia Miles里數，另外亦會有一啲儲其他飛行常客計劃里數嘅卡，大家可以睇下自己會唔會經常搭某些航空公司或經常去嘅地方，再決定出邊張。

積分無限期－Citi PremierMiles信用卡 / DBS Black World MasterCard
呢兩張卡嘅積分都係永久有效，可以慢慢儲蓄，唔怕啲分過期。不過佢哋入息要求比較高，而且平常里數比率唔算突出，果然係要慢慢儲。

低門欖之選－富邦Titanium卡
年薪只係需要$80,000，適合啱啱出嚟做嘢，或者兼職嘅人士。不過佢嘅積分有效期得1年，如果一年之內去兩、三次台灣、日本、韓國，加倍賺分，都可以諗下用佢嘅。


迎新最抵－渣打亞洲萬里通萬事達卡
近期鋒頭甚勁嘅卡，因為佢個迎新實在係吸引，$0.5=1里數冇最低消費額，簽幾多賺幾多，慳家嘅大使嘅一樣賺到。不過只限全新客戶，現有客戶持有望門興嘆。
美國運通兩張國泰航空信用卡、富邦白金卡 / Titanium卡、大新聯合航空萬事達卡、工銀亞洲香港航空Visa白金卡都可以做到每里數$1樓下，食迎新諗得過。

繳款、交保險費都計－匯豐白金卡
好多時迎新優惠嘅合資格交易都唔包括繳款、交保險費，不過滙豐呢個迎新就包埋 (但唔包交稅)，如果近期需要交$5,000-$6,000費，可以考慮出卡，不論新舊客戶都可以賺到迎新。仲有就係匯豐嘅優惠出得幾多幾密下，有心儲里數都可以儲得快啲。當然，如果申請到Visa Signature就更好，「最紅自主獎賞」每個類別額外3X「獎賞錢」，再加速。

搵人推薦－大新ANA香港白金Visa卡
最近大新ANA香港白金Visa卡出咗個好友推薦計劃，6月30號前現有客戶可以推薦最多8個申請人，每個成功申請可以賺1,000里數，成功推薦3人有額外$300超市現金券，成功推薦5人有海洋公園智紛全年入場證 (金卡) 1張，成功推薦8人再多一張海洋公園智紛全年入場證 (金卡)。而受薦人有$100超市現金券，迎新頭3個月簽滿$5,000或以上，有5,000迎新里數加額外2,000里數，一共7,000里數，做到$0.71 / 里數。受薦人出卡後，可以做推薦人，賺埋推薦人嗰份。