親身體驗 - VISA白金秘書服務 (下)
更新日期: 2016 年 03 月 18 日
唔緊要 ! 今次Stella Yeung我親身體驗咗幾項不同嘅服務!
我查詢咗一共三項服務
第一項查詢咗日本福岡嘅旅遊資料 , 美食 , 交通
第二項查詢咗日本福岡四月十七日相撲門票
第三項查詢咗日本福岡酒店和民宿推薦
依三項資料我係同一個晚喺Vias白金秘書網頁查詢
第二朝早已經收到其中兩封電郵嘅回覆
其中一封係有關旅遊資訊 , Email入面有一個檔案
檔案入面有旅遊景點 , 美食同交通嘅介紹
但啲資訊就比較行貨 , 好似一般日本旅遊局網頁可以搵到嘅資訊
但如果唔太熟悉當地資訊 , 又或者無時間去搵的話 , 依啲資料一樣可以幫到手嘅~
旅遊資訊檔案一共有10頁
頭兩頁係日本褔岡基本介紹同天氣介紹
都有介紹日本褔岡必食嘅美食~
最後個二頁係介紹褔岡主要交通~
其實佢資料係有啲行貨啊 , 但基本認識當地資訊依個檔案都足夠嘅
另外一個封Email嘅回覆係關於相撲嘅門票
查詢個陣要提供預訂門票嘅日子
我揀咗四月十七日 , 可能日子太趕嘅關係
電郵回覆我話門票已經售罄
如果想用依個預訂表演門票嘅服務 , 我就建議早啲查詢
以免表演門票無晒 , 訂唔到呀嘛 ~~~~
依個就係我查詢相撲門票嘅Email回覆 ~
第三個Email等咗幾天都收唔到回覆
所以我就重新Send多次Eamil , 查詢酒店或民宿嘅推薦
一天之後收到一個Email係有關民宿嘅，要我提供入住同個人資訊
一般訂民宿都會填依個少少資料 , 之前我訂Airbnb都要填依啲資料
但填會完又如何 , 因為最後佢都無覆Email我民宿推薦~
二天之後就收到三間酒店推薦嘅電郵
推薦三間電郵入面有提供咗酒店名稱 , 地址
同酒店一共四夜酒店嘅日本價錢
如果想睇酒店詳細資料 , 就要自己上網搵嚟睇啦
最後佢推薦咗依三間嘅酒店
比埋一共咁多夜嘅價錢我 , 其實都幾方便 !
可能佢哋喺民宿方面嘅資訊比較缺乏
如果想查詢民宿嘅話都可以試下直接打電話去查詢 , 我諗回覆速度會比較快 !
經過自己親身體驗 , 總括Visa白金秘書服務
五顆星我會比三顆星 , 雖然佢哋提供唔到民宿資訊
但其他資訊嘅回覆速度都幾快
預訂餐廳或表演門票依啲服務真係好方便
我就親自體驗咗Visa白金卡秘書服務 , 如果你哋去旅行 , 都可以搵白金卡秘書幫下手
