​英航Executive Club改制 換經濟位里數更低

​英航Executive Club改制 換經濟位里數更低

相關信用卡:

​英航Executive Club改制 換經濟位里數更低

發表日期: 2015 年 02 月 04 日 更新日期: 2015 年 02 月 04 日 Avios 信用卡生活

作者:Lady C.

之前Asia Miles改制,將優越獎勵機票 (Priority Awards) 等級一分為二,變成級別一同級別二,主要係喺旺季會有較多日子同航班選擇。而英航將會喺4月28號開始,將Executive Club單一個兌換標準都一分為二,分為高峰期 (Peak) 同非高峰期 (Off-peak),而搭英航航班賺Avios里數嘅比例亦有修訂。


非高峰期換經濟位更抵
由頭等、商務、高級經濟同經濟艙位都變為高峰期同非高峰期兌換標準,睇返下面四個表,就可以見到非高峰期換經濟艙位同高級經濟艙位確實係經濟咗,機程愈長就愈抵,例如飛英國單程而家要30,000 Avios,新制只需要19,500 Avios,慳咗10,500 Avios,有成35%!而高峰期換經濟位標準同而家就一樣,但換高級經濟艙位或以上級別嘅機票,都會用多咗Avios,由33%至50%不等。如果想睇下高峰期同非高峰期嘅分佈,可以去Executive Club解釋新制度嘅網頁睇下。



另外Iberia亦會行新制,不過佢個高峰期同英航會有唔同。至於用Avios換其他oneworld合作夥伴嘅機票,就要用高峰期標準去換,由於高峰期經濟位同而家個標準係一樣,所以里數上冇影響。

更改機票要睇日子
新制改做高峰期同非高峰期,以後如果要改機票日子,就要留意返原本出發日期同更改日期係喺邊段時間:


艙位可賺Avios分別更明顯
搭英航機可以賺Avios,新制亦影響到各級機位同會員可以賺到嘅Avios多少。新制主要提高頭等艙位、商務艙位 (J / C / D) 同高級經濟艙位 (W),同埋降低經濟位 (K / L / M / N / S / V / Q / O / G)  可賺Avios比率,令到艙位之間嘅優惠分野更加明顯。


因為同樣理由,Executive Club銀卡會員 可賺Avios比率亦Cut咗一半,其餘兩級不變,都算唔好彩囉。


英國內陸機要俾全費
如果由英國往返歐州各城市,中間有經其他英國機場轉機,而家係只需要俾飛去歐洲嗰程嘅附加費,喺新制下,就要俾足咁多程嘅Avios同附加費。不過其他長途線就唔受影響。

信用卡點樣賺Avios?
講起簽卡賺Avios,好多人即時諗起大新英國航空白金卡,其實除咗呢卡之外,仲有啲卡可以用積分換Avios嘅。

大新英國航空白金卡
本地$6=1 Avios,海外$4=1 Avios
手續費:免費 (自動轉換)

匯豐:
$1「獎賞錢」=15 Avios ($16.67=1 Avios)
手續費:該年$300 / 40美元

Citibank:
Prestige信用卡:12分=1 Avios (本地$6=1 Avios,海外$4=1 Avios)
PremierMiles信用卡 (詳情):12分=1 Avios (本地$8=1 Avios,海外$4=1 Avios)
Rewards信用卡 (詳情)、金卡及普通卡:15分=1 Avios ($15=1 Avios)
手續費:每次最少收費$50,最多$300

American Express:
15,000分=1,000 Avios ($15=1 Avios)
手續費:每次$200