上網買嘢好多地方都接受信用卡俾錢,同埋其他付款平台,但係一啲自家經營嘅小本生意,例如手製精品、民宿,好多時店主都係俾個PayPal Account number你,等你過數或用信用卡俾錢,選擇用卡找數,自然係因為可以儲積分啦,不過,如果係海外簽賬,發卡銀行可能會收外幣交易手續費。
PayPal用信用卡都可以賺分。
訂民宿,多數係銀行入數,或者PayPal。
最近星展就做緊
PayPal回贈,佢分三個階段 (即日起至8月31號、9月1號至10月31號、11月1號至12月31號),每個階段瓜分$60,000,每$500本地消費可以分1份,每$500海外消費就分5份,每個戶口喺每個階段最多分50份。不過,每一份係幾多錢,就要等到每個階段完咗,睇下全部客加埋總共有幾多份,再除返開先知。咦,咁會唔會到時太多人玩,隨時分埋都唔夠俾手續費?無論如何,如果想分錢,都係登記咗先啦。