​溝淡辣招 5分鐘識慳額外印花稅

為咗打擊樓市炒風，政府使出辣招，喺2010年11月20號開始，如果喺收樓後特定時間內轉手，就要俾額外印花稅 (Special Stamp Duty，SSD)， 增加炒賣成本。雖然呢招係用嚟針對住宅物業短炒，但用家想喺三年內想換樓，或者放盤套現，亦會被波及，真係有辣有唔辣。

額外印花稅Q&A
Q：咩情況要交SSD？
A：涉及買賣或轉讓住宅物業嘅交易：
1. 賣方喺2010年11月20號或之後取得住宅物業；
2. 賣方取得有關物業後，喺24個月或以內(2010年11月20日至2012年10月26日期間取得) 或36個月或以內(2012 年10 月27日或之後取得)轉售或轉讓該物業。

Q：車位、工廈、寫字樓、舖位交易使唔使交SSD？
A：SSD只針對住宅物業，根據《印花稅條例》第29A(1)條定義，住宅物業指唔屬於「非住宅物業」嘅不動產，所以車位 (獨立買賣)、工廈、寫字樓、舖位唔使交SSD。

Q：稅率點計？
A：涉及買賣或轉讓住宅物業嘅交易：
1. 賣方喺2010年11月20號或之後取得住宅物業；
2. 賣方取得有關物業後，喺24個月或以內(2010年11月20日至2012年10月26日期間取得) 或36個月或以內(2012 年10 月27日或之後取得)轉售或轉讓該物業。

Q：交易時邊個負責俾SSD？
A：買賣雙方協商，睇下點俾法。

Q：有冇得豁免？
A：有，要符合以下情況：

Q：交咗SSD之後取消交易，有冇得退返？
A：如果取消唔涉及進一步轉售，可以喺買賣協議取消後2年內申請退返。

Q：要幾時交？
A：同從價印花稅相同期限，一般嚟講係簽署買賣協議日期後30天內。

Q：遲交或欠交會有咩懲罰？
A：最高可以罰10倍SSD應繳稅款。

減輕SSD負擔
如果層樓想放出去換樓，有咩方法俾少啲SSD？

－乖乖地等夠期
2010年11月20號至2012年10月26號期間買入嘅樓，最後日子嗰批都剛剛過咗24個月限期，買賣唔使再俾SSD。而2012年10月27日或之後買入，最早日子嗰批仍然要俾10%。

－調高賣樓價
呢個係最基本而係人都識嘅方法，賣樓時價錢高過買入價，Cover到SSD同其他雜費仲有賺。當然，賺幾多先叫「賺」就因人而異。

－租樓再放租
係一種暫時性方法，將自己住緊嗰層樓放租，然後出去心水地區或單位租住，直到自己層樓夠期為止。好處在於可以當係暫時換咗樓，又有租收平衡返，而且仲可以加租，彌補返租樓嘅支出。唔好處後要放租又要搵樓又要搬屋，超級麻煩。

－樓換樓計差價
唔夠期嘅樓直接買賣，SSD係計樓價全數，不過如果兩層樓交換的話，SSD就只會計差價，所以有物業代理推出物業交換計劃。以下會用一個例子說明：

條數就係咁計，不過問題係，有冇人肯用貴樓換平樓？除非想退返一舊錢出嚟用，但如果係咁，去做物業貸款或二按會唔會簡單啲？如果樓價接近，俾嘅SSD會愈少，但要搵一層樓價接近，又好啱心水有足夠交換動力嘅樓，仲要對方都鍾意你層樓，肯同你換，真係講咁易咩。

－以公司名義買樓 (已失效)
之前曾經有人睇到以公司名義買樓，然後將公司股權轉讓，層樓就會一併轉到買方手上而唔使俾SSD，只係需要俾股權轉讓印花稅，比起SSD慳一大筆。不過政府已經改例，以公司名義買樓，當公司轉讓股權時，如果層樓唔夠年期，就要俾SSD。