​海空兩路 平去長短途旅行

臨近農曆新年假期，相信有唔少人會選擇去旅行，不過過年去必然貴，如果想平平地去玩，就只有選擇淡季。最近又有機票同郵輪優惠，想去遠啲玩幾日，或者過一個短Weekend都得。

HK Express $68機票
HK Express而家做緊$68單程機票優惠，目的地有東京、大阪、名古屋、福岡、首爾、釜山、無錫、寧波、鄭州、昆明、台中、清邁、布吉、檳城、峴港、暹粒。最搶手嘅當然係日本同韓國啦，不過寫Blog時日本已經所餘無幾，韓國、清邁、布吉、峴港、寧波仲有飛，不過有啲係有去冇回或有回冇去，只得一程有特價咋。

遇著呢種情況，可以諗下買一程，再搵下其他航空公司有冇優惠，或者自製Open jaw機票，以韓國為例，首爾入釜山出，玩兩個地方。中間接駁想快可以坐釜山航空 (77,400韓圜，大約$542)，航程1小時左右；想平可以坐火車，車程由2小時45分鐘至6小時不等，標準位價錢由55,800韓圜至28,600韓圜，大約$390至$200港幣。

預訂日期：即日起至2月16日
出發日期：3月1日至12月31日


$0郵輪客房
如果請唔到假去咁耐，或者只係想去個短Trip Relax下，可以諗下呢個麗星郵輪$0郵輪客房優惠，每人只係需要俾港務費$200。郵輪客可以揀處女星號或雙魚星號，除咗2日1夜，處女星號仲有3日2夜行程，每人每晚俾多$100可以升級海景客房，俾多$200可以升級露台客房。

預訂日期：即日起至2月17日
出發日期：即日起至4月30日


用咩信用卡訂？
建行 (亞洲) eye卡：網上簽賬5X積分，「賞即飛天地」3X積分，加埋有7X積分。
東亞Flyer World萬事達卡：最近開始1.6X積分，即係$5=8分=1里數。
渣打WorldMiles卡：$5=1里數 (詳情)。