​日本遊 (補完篇)-信用卡海外簽賬匯率

​日本遊 (補完篇)-信用卡海外簽賬匯率

相關信用卡:

​日本遊 (補完篇)-信用卡海外簽賬匯率

發表日期: 2015 年 04 月 30 日 更新日期: 2015 年 04 月 30 日 旅遊

作者:積克

上次講完購物 (詳情按此),其實都有提過唔同信用卡 (Visa、MasterCard、銀聯、AMEX) 海外簽賬會有唔同匯率,今次再講多少少。


話說我有個朋友同我差唔多時間去東京,不過佢就早過我少少去。佢喺同一日分別用咗兩張唔同嘅卡,匯豐Visa Signature卡同渣打銀聯雙幣白金卡去唔同鋪頭買嘢,返嚟之後我問佢攞咗部分Statement,講下海外簽賬匯率。

匯豐Visa Signature卡簽賬紀錄

渣打銀聯雙幣白金卡簽賬紀錄
匯豐Visa Signature卡Statement列明個匯率係0.06597 (已包括1.95%外幣交易手續費),簽賬當日 (4月10號) Visa匯率係0.064663。

渣打銀聯雙幣白金卡就冇列明喺Statement上面有6項交易,個Rate都有少少唔同,由0.06468至0.06481不等,計返平均大約係0.06474,簽賬當日銀聯匯率都係0.0647。

由匯率嚟計,雖然Visa個基本匯率係比銀聯好,但絕大部分銀行嘅Visa卡 (MasterCard卡都係) 都要收外幣交易手續費,所以最終得出來個Rate自然係唔使收手續費嘅銀聯卡 (匯豐、恒生例外) 較抵。

以BIC CAMERA為例,平時用Visa同銀聯卡都有5%折扣優惠,而我哋去旅行嗰段時間,Visa做緊優惠,買免稅商品滿10,639日元以上 (不含稅),就有94折 (6%) 優惠。如果用Visa Signature個例子嚟計,原價就係30,349 Yen,用銀聯卡買有5%折扣,折後28,831.55 Yen,兌返港幣就係$1,864.82至$1,868.57,銀聯都仲係平過匯豐Visa Signature卡。

獎賞幫補手續費
至於呢兩張卡可以賺到幾多獎賞呢?又用返BIC CAMERA簽28,528 Yen簽賬做例子:

匯豐Visa Signature卡
由於朋友將「最紅自主獎賞」Set晒落「賞滋味」,所以就算4月10號係星期五,都冇「最紅星期五」雙倍獎賞。不過佢有登記「最紅旅遊優惠」,簽過$500,每$100會有額外$5「獎賞錢」,Visa Signature卡喺「最紅自主獎賞」消費類別有額外3X「獎賞錢」。
實際獎賞價值:$7 + $90 + $21「獎賞錢」=$118「獎賞錢」=$118
扣除獎賞後支出:$1764.05

渣打銀聯雙幣白金卡
以平均匯率0.06474計,等於港幣約$1,846.90
基本獎賞:$1=1分,25,000分=$100現金券
實際獎賞價值:$7.39 (1,846分)
扣除獎賞後支出:$1,839.51

銀聯卡免手續費,基本簽賬計係抵用啲,不過都要視乎當時銀行或信用卡公司有冇優惠,就好似匯豐個外遊優惠,即使冇「賞世界」同「最紅星期五」加持,仍然有$90「獎賞錢」,足以彌補手續費差額,仲有賺。

相關文章
日本遊(上)-上網篇
日本遊(下)-購物篇