​拜年送禮 賺埋信用卡獎賞

​拜年送禮 賺埋信用卡獎賞

相關信用卡:

​拜年送禮 賺埋信用卡獎賞

發表日期: 2015 年 02 月 09 日 更新日期: 2015 年 02 月 09 日 購物

作者:Lady C.

仲有一個星期多啲就過年,去拜年嘅時候自然唔可以兩手空空,起碼都要買盒曲奇餅、朱古力或者糖果。通常買禮物都係去自己或親友屋企附近嘅超市或便利店買,所以今次Lady C.我就講下信用卡便利店或超市優惠,等大家拜年逗利是之餘,再賺埋信用卡積分同回贈獎賞,新年賺多啲!


信用卡超市及便利店優惠
我搵咗一啲新年期間做緊嘅信用卡Promotion,同埋一啲有超市及便利店全年優惠嘅卡出嚟,睇下大家有邊張卡,可以比較下用邊張抵啲。有啲卡喺指定日子會有特別優惠,就可能要就時間預早買定喇。



AEON、COMPASS VISA簡單易賺
咁多個優惠,我覺得AEON最簡單 (詳情),一單簽賬滿$120或以上,可獲30X積分,計返有超過11.54%回贈,不過額外獎分上限得10,000分,即係簽三百幾蚊就玩完。而COMPASS VISA喺百佳系超市以payWave簽滿$200有9% COMPASS Dollar,亦相當易賺,但要指定日子先得囉 (詳情)。

中銀GOOD DAY白金卡回贈高
中銀GOOD DAY白金卡每個月逢2號、12號及22號,喺華潤萬家簽賬滿$100或以上,有8%即時折扣,而單一簽賬滿$500,又有$40即時折扣,呢兩個優惠可以一齊用,先扣咗指定日子嘅8%,折後餘額過$500就再扣$40,買$543.5就可以扣$83.5,計返有成15%回贈。

匯豐疊住賺
匯豐優惠經常重疊,例如最紅冬日結伴賞 (詳情),本身去萬寧最高可以有12%「獎賞錢」,同時可以食埋「最紅自主獎賞」同「最紅星期五」,假設星期五去萬寧簽$500,就有$60+$22(11X)=$82「獎賞錢」,有16.4%回贈。

Citibank、建行(亞洲) 恆常5X積分
Citibank Rewards Card同建行(亞洲) eye卡都係全年5X積分,Citibank Rewards Card就係去各大超市,而建行(亞洲) eye卡就係去超市同便利店,但記得要用payWave俾錢呀。