​嘉嘉♥2015信用卡新優惠速報

​嘉嘉♥2015信用卡新優惠速報

相關信用卡:

​嘉嘉♥2015信用卡新優惠速報

發表日期: 2015 年 01 月 02 日 更新日期: 2015 年 01 月 02 日 購物

作者:艾力嘉

踏入2015年,首先祝大家新年快樂^^!新一年自然要睇下有咩新嘅信用卡優惠,之前有啲優惠期由聖誕延續到今年初嘅優惠,大家都應該知道晒,所以今次就只會講一啲由1月1號開始嘅優惠。



一般消費優惠
恒生新春激賞 額外Cash Dollars (優惠期:至2月23號)
雖然呢個優惠係1月1號開始,但係一睇內容... 咦,咁熟口熟面嘅?同聖誕嗰陣一樣,都唔知算唔算係新優惠。再睇下恒生網頁,見到「已登記2014聖誕激賞之客戶毋須再次登記」,即係聖誕激賞嘅延續=.=。Anyway,照講啦。

優惠一:
逢星期六、日喺Cash Dollars指定商戶簽滿$600,就有額外$20Cash Dollars(獎賞上限額外$200 Cash Dollars)。

優惠二:
逢星期六、日去旅行社簽賬滿$10,000或以上有額外$400 Cash Dollars。

優惠三:
本地或海外單一簽賬滿$600若干次,可獲額外Cash Dollars:
3-5次=$30 Cash Dollars
6-10次=$80 Cash Dollars
11-14次=$150 Cash Dollars
15次或以上=$300 Cash Dollars

中銀 X 崇光 5X積分 (優惠期:至3月1號)
中銀經常都有同崇光夾優惠,今次就喺指定日期簽賬有5X積分 (獎賞上限額外30,000分)。用中銀信用卡即日累積簽滿$2,000,崇光卡簽滿$1,500就OK。記得3月3號或之前要登記。而每個星期日累積簽賬最高嗰個會有額外$1,000簽賬額獎賞。
適用日期:優惠期內逢星期五、六、日、2月19號年初一 (網上訂購只適用於1月30號至2月22號嘅獎賞日)

電器連鎖店優惠
Citibank X 豐澤 最高10%回贈 (優惠期:至2月28號)
新年買新手機、新電器,可以諗下豐澤,簽滿指定金額就有5%或10%回贈 (登記時編配)。

回贈條件

建行(亞洲) X 衛訊 5%現金回贈 (優惠期:至2月28號)
佢哋標榜「免登記、無上限」,即係簽幾多都照回5%?

飲食優惠
匯豐冬日滋味賞 額外$360「獎賞錢」 (優惠期:至2月28號)
全港食肆每單簽滿$500,累積$6,000或以上,就有額外$360「獎賞錢」,不過要留意呢個優惠同之前「最紅冬日結伴賞」唔會同時計數,如果兩個都登記晒,食肆單就只會計落「冬日滋味賞」。所以如果你一係冇玩「結伴賞」,如果有玩就最好確定自己會有食肆單簽過$6,000,否則隨時「結伴賞」儲少咗,「滋味賞」又唔夠數,隨時兩頭唔到岸呀!

大新碟碟有「饌」賞 5% / 2%額外現金回贈 (優惠期:至3月31號)
大新新出嘅食肆優惠,每個階段任何零售簽賬滿$3,000 (包括食肆簽賬),食飯嘅單就可以有5% (Visa Infinite卡、Visa / MasterCard白金卡、銀聯雙幣白金卡)或2% (其他大新信用卡) 現金回贈,每階段最多回$200,全期最多回$600。

階段一:1月1號至1月31號
階段二:2月1號至2月28號
階段三:3月1號至3月31號

優惠二
頭1,000位用以前未登記過大新嘅E-mail地址成功登記,就有$50零食物語現金券。

恒生 X 富豪酒店 自助餐最多半價 (優惠期:至3月31號)
去富豪酒店嘅餐廳食自助午餐或晚餐,最多可以有半價優惠,二人有一人免費,8-12人半價,拍拖去啱晒!
2-4人:1人免費
8-12人:半價
適用餐廳:藝廊咖啡室、御花園咖啡室、雅廊咖啡室、儷廊咖啡室

旅遊優惠
Citibank X YTL酒店 折扣+10X積分 (優惠期:至10月31號)
準備去旅行,用Citibank信用卡訂YTL旗下亞洲區酒店最多會有7折之外,如果係用Ulitma、Citi Presitge、PremierMiles或Rewards信用卡,仲會有10X積分。

現有優惠延長或強化
匯豐最紅星期五11X「獎賞錢」(延長)
大家習慣咗逢星期五都簽匯豐卡,呢個習慣可以繼續維持到12月31號。

中銀 i-card 10X積分 (強化)
中銀 i-card之前做流動支付、電訊服務同網上零售交易都會有10X積分,今年就加多咗指定商戶類別,包括電器影音、超級市場、電影院、便利店,而網上零售交易同指定商戶類別 (包埋流動支付) 嘅額外積分上限都係每月10,000分,不過兩項上限分開,即係兩邊簽盡可以賺到20,000分。

恒生3X Cash Dollars (延長)
恒生繼續做全年3X Cash Dollars,做到年尾,但唯一唔好就係之前計埋網上簽賬 (港幣旅遊及教育類交易、外幣交易),而家Cancel咗@@!得返海外外幣交易同埋本地指定商戶做$5,000或以上免息分期,嚴格嚟講係延長,但弱化咗喎。