​嘉嘉♥聖誕Shopping買禮物賺額外獎賞

除咗食聖誕大餐、開Party、影聖誕燈飾，買聖誕禮物送俾人同送俾自己都係聖誕節一項主要消費。最近幾間銀行都出咗唔同嘅聖誕Promotion，又係賺額外積分、回贈嘅時候！今次就同大家睇下有咩優惠啦。

商場信用卡優惠最多16%回贈
商場嘅信用卡優惠比起信用卡聖誕簽賬獎賞易明啲，都係簽滿指定金額就有現金券或禮品。單純以禮品價值計，用Citibank信用卡 (eg. PremierMiles、Citi Clear Card) 去又一城累積簽滿$7,000，換Crabtree & Evelyn聖誕豪華禮盒1份 (價値$1,120)，計落有16%回贈比率，算好多啦 (雖然係啱女士多啲，男士可以當係免費多份禮物送俾人)。以現金券計，用中銀銀聯雙幣卡去新城市廣場簽$2,000或$5,000都會有10%，匯豐去Sogo簽滿$5,000或以上，就起碼有8%。渣打卡星期六喺海港城簽滿$500，有$50現金回贈同$25咖啡現金券，計埋都有15%，簽$2,000或以上就回$100再加抽$50或$200咖啡現金券。


聖誕簽賬獎賞計下數
信用卡聖誕簽賬獎賞計法比較複雜，上面列出咗基本條款，接住落嚟就講下點賺獎賞，同埋要簽幾錢。


建行(亞洲)939建獎賞積分
由於每個人嘅簽帳目標金額都唔同，有人係$1,000，有人係$10,000，亦有人係中間，嘉嘉我就以一個階段為例，計晒佢出嚟。要留意嘅係，達標之後每簽$100=939分，當中包咗基本嘅100分，即係每$100額外賺839分。
目標金額愈細，賺盡額外獎賞所需金額就愈少，亦都較抵賺。而每階段賺盡達標後嘅積分，都唔係齊頭，所以最後嗰$100賺唔足839分，有可能只係賺多百幾分埋尾。

渣打15%回贈
渣打信用卡 (eg. WorldMiles、銀聯雙幣白金信用卡、MANHATTAN信用卡) 喺指定簽賬類別 (全港識食、海外簽賬、網上簽賬、指定超市及網上超市) 簽滿$8,000或以上，會回15%，照計簽$8,000回$1,200，不過每月限回$300，即係簽夠數就賺晒。另外用指定卡 (eg.MANHATTAN白金卡) 簽滿$40,000，額外會多$200。

恒生額外Cash Dollars回贈
簽滿唔同次數，就會有唔同數目嘅額外Cash Dollars獎賞。而逢星期六、日喺Cash Dollars指定商戶簽滿$600，就有額外$20Cash Dollars，假設全部都係星期六、日喺Cash Dollars指定商戶簽，就可以用$17-$18賺$1 Cash
Dollars，比起原本$250=$1 Cash Dollars抵得多。雖然金額上唔算好多，但要分咁多次簽，都幾麻煩。另外去旅行社簽賬滿$10,000或以上有額外$400 Cash Dollars，不過今次係講買聖誕禮物，所以就Skip咗唔講住喇。

匯豐最紅冬日結伴賞
嘉嘉我覺得匯豐呢個優惠都幾複雜，首先可以組隊玩，搵多兩至四個持卡人一齊登記做一隊，獎賞比例就會高啲。雖然話玩組隊，但就算其他隊員唔達標，都唔會影響到你賺到幾多。然後去指定商戶簽賬，獎賞比例又會再高啲。例如去萬寧、百老匯，會有額外2%，星期五、六、日去萬寧再加2%，一共10%。

上面個表只係計晒全部一係喺指定商戶簽賬，一係喺其他本地商戶簽賬，但好多時都係呢邊買啲，嗰邊買啲，咁就要留意獎賞上限。
以指定信用卡 (運籌理財白金Visa卡、Visa Signature、白金Visa卡、green信用卡)計：
－指定商戶每星期可賺上限$200「獎賞錢」，包括其他本地商戶賺到嘅$60「獎賞錢」
－指定商戶整個優惠期內可賺上限$1,400「獎賞錢」，包括其他本地商戶賺到嘅$420「獎賞錢」
即係話，如果你今個星期喺其他本地商戶賺到$30「獎賞錢」，喺指定商戶就只可以賺$170「獎賞錢」。如果用指定信用卡，賺晒要玩7個禮拜就，普通卡就要6個禮拜。

匯豐、恒生回報較高  建行(亞洲) 夠自由
如果你會去萬寧或者百老匯買嘢，梗係用匯豐卡抵啲，5人隊伍以指定卡簽晒可以賺1,470「獎賞錢」，有成8.4%回贈，有可以換到22,050 Asia Miles里數，建行(亞洲)以簽賬目標金額$1,000計，賺盡積分253,800，可以換到16,920 Asia Miles里數。而恒生亦算唔錯，計返回5.89%。不過講自由度，就點都係建行(亞洲)大啦，唔限指定商戶，本地簽賬達標後，度度簽賬每$100都有額外839分。