​嘉嘉♥情人節禮物For Him

​嘉嘉♥情人節禮物For Him

相關信用卡:

​嘉嘉♥情人節禮物For Him

發表日期: 2015 年 01 月 30 日 更新日期: 2015 年 01 月 30 日 購物

作者:艾力嘉

上次講完情人節送咩禮物俾女仔,今次就輪到講下送咩俾男仔。嘉嘉我問咗一啲男性朋友嘅意見,再做咗少少Research,搵咗幾樣男士們應該會鍾意嘅禮物出嚟,姐妹們可以參考下我嘅建議,不論型男、潮男、宅男,都總有一樣會中啩^^。


數碼產品
男士最鍾意玩數碼產品,手機、相機、平板電腦、智能手錶,日常要用,工作上都可能用得著,送數碼產品就多數都會中。

Samsung 最新嗰部GALAXY Note Edge側邊有條斜邊Mon,可以睇到訊息通知,都幾特別,不過佢賣七千幾蚊,都幾貴。

iPhone 6 / 6 Plus終於可以用正價買,如果佢仲未買,係時候喇。

而家興玩Smart Watch,我就覺得LG G Watch R個款幾靚,唔似其他四四方方嘅Model咁笨。

信用卡優惠
恒生 X 百老匯 / 豐澤
優惠期:至2月28日
單一簽賬滿$5,000或以上做免息分期,除咗總數有3X Cash Dollars,每期分期金額都有3X Cash Dollars。

Citibank X 豐澤
優惠期:至2月28日
單一簽賬滿$3,000或以上有5%或10%回贈,視乎抽到邊個比率。
5%:簽$3,000-$6,999每月最高回$250,簽$7,000或以上每月最高回$350,全期最高回$350
10%:簽$3,000-$6,999每月最高回$400,簽$7,000或以上每月最高回$700,全期最高回$700

建行(亞洲) X 衛訊
優惠期:至2月28日
5%現金回贈。

波鞋
女人鍾意買鞋,其實男人都係一樣,不過係買波鞋,特別係Nike、Jordan之類嘅籃球鞋,愈出愈多色,基本上變咗去街鞋,用嚟襯衫。不過聽啲Friend講,某啲款會好似iPhone咁,炒到貴晒,要買又要抽籤,網上開賣又要一早去Online Store鬥快訂,都幾難買到。

呢對Air Jordan I Retro High黑色襯金色都幾靚,又唔會太浮誇。

游戲機
有人話遊戲機係女人最大嘅情敵,相信有唔少姐妹認同。嘉嘉身邊就有唔少男仔朋友就係機友,有啲仲係打到天昏地暗嗰隻。對於呢個情況,我啲男仔朋友話,其實男仔鐘意打機有極大好處,就係經常留喺屋企少出去外面玩,慳錢之餘仲唔使擔心佢出去搞三搞四識女仔,聽落又好似有啲道理喎。如果你肯送部遊戲機俾佢,佢一定愛死你,不過佢掛住打機唔陪你,你就要稍為忍下啦XD。

信用卡優惠
銀聯 X PlayStation
優惠期:至2月28日
喺PlayStation Platinum Shops、SONY Store或特許經銷商購買或預訂任何PS4主機或主機同捆裝,送《DRIVECLUB》遊戲 (價值$308)、PlayStation Plus 14天會籍及/或以優惠價$188換購DUALSHOCK 4無線控制器一個 (迷彩灰除外,原價$468)

動漫產品
除咗打機,動漫都係男仔嘅心頭至愛,動漫相關嘅精品,好似Figure、模型、擺設、飾物,送俾宅宅哋嘅佢就啱晒。

One Piece情侶銀戒指,上面刻咗「各位!向新世界出發喇!」嘅英文,裡面刻咗路飛同各團員個名嘅頭一個英文字母,就算佢平時唔戴戒指,我諗佢會好樂意戴呢隻。

信用卡優惠
動漫產品隨時要上日本或外國網訂,就要用啲網購或外幣簽賬有優惠嘅卡。

建行(亞洲)eye卡:網購5X積分+「賞即飛天地」外幣簽賬額外2X積分=7X積分
DBS Eminent Card:網上及海外外幣簽賬3%現金回贈
東亞i-Titanium卡:網上購物3%現金回贈

信用卡商場優惠
如果商場入面有分店,可以食埋信用卡商場優惠。

渣打 X 海港城
優惠期:至2月28日
星期一至五喺海港城簽滿$500,有$25咖啡現金券,簽$2,000或以上有$200咖啡現金券。
星期六簽滿$500額外加$50現金回贈,簽$2,000或以上額外加$100現金回贈。單一簽賬滿$2,000,可以參加抽獎,簽滿$5,000或以上會有15,000額外積分,最多可賺150,000分。

交通銀行 X 新鴻基地產商場 (apm)
優惠期:至2月28日
優惠期內星期五、六、日、公眾假期及其前夕,
累積簽滿$1,200有$60新地商場現金券,簽滿$3,000 (最多2張收據,每張$100或以上) 就有$100現金券。

德福廣場
優惠期:至3月31日
以電子貨幣單一消費満$4,800或以上,可換領$50港鐵商場現金禮券一張。