​嘉嘉♥情人節禮物For Her
​嘉嘉♥情人節禮物For Her
相關信用卡:

​嘉嘉♥情人節禮物For Her

發表日期: 2015 年 01 月 29 日 更新日期: 2015 年 01 月 29 日 Asia Miles 信用卡購物
作者:艾力嘉

仲有半個月就到情人節,指定動作除咗食情人節大餐,亦唔少得買禮物送俾對方。今次首先講下為女士而設嘅情人節禮物,希望幫到各位冇頭緒,或者女朋友冇明示或暗示想要啲乜嘅男士啦。如果你已經諗好送乜,都可以參考下以下信用卡優惠,睇下夾唔夾到你要買嘅禮物?



人氣穿珠仔手鏈
PANDORA係近年女士大熱首飾,可能有啲男士唔知係乜嚟,咁等我簡單地講解下啦,基本上佢係賣首飾,最受歡迎嘅係手鏈,由一條基本手鏈,自選類似一粒粒珠仔嘅串飾,一粒一粒咁穿上去,自己組合一條穿滿串飾嘅手鏈。手鍊大約係六、七百蚊起一條,串飾就三、四百蚊起一粒,如果要穿滿一條,都要三、四千蚊㗎。如果覺得Over budget,可以穿住一粒先,然後同女朋友講,每個月送一粒串飾俾佢,當係分期買都得XD。

串飾有好多款,可以上去PANDORA網站睇定款式同價錢,然後去到專門店就可以好快整好同有個預算。

可以模擬整手鏈,仲會計埋價錢。

其他珠寶首飾優惠
如果想送其他珠寶首飾,都仲有其他優惠可以用:

American Express
PINKBOX 9折、六福珠寶92折、周生生95折。

TSL│謝瑞麟
消費可賺Asia Miles里數
正價珠寶貨品
$8,000-$19,999=800里數
$20,000港元-$39,999=2,000里數
$40,000或以上=4,500里數
足金、特別及推廣貨品
$8,000-$19,999=250里數
$20,000港元-$39,999=600里數
$40,000或以上=1,500里數

情迷朱古力
雖然好多女仔成日將減肥Keep fit掛係口邊,但偏偏女仔對甜品嘅抵抗力極低,特別係一啲好好味嘅朱古力,點忍到口呢?如果你探聽到口風,知道女神鍾意食朱古力,不妨送一盒agnès b. DÉLICES、GODIVA、ROYCE' Chocolate俾佢,順便表白,話唔定你哋當日會過得好Sweet呢。

agnès b. DÉLICES今年推12吋木製粉紅色Melodic b. Lapin (之前好似出過) 連埋一盒Cupid夾心朱古力。


今年GODIVA同比利時Designer STUDIO JOB Crossover,包裝盒以萬花筒為設計概念,都幾靚喎。

999朵玫瑰
女仔喺情人節有得收花,可以講係一種榮耀 (虛榮?),特別係收一紮以上,代表自己有市場XD。情人節主要都係送玫瑰,而唔同顏色、唔通數量都代表唔同意思,根據網上面嘅資料,大路嘅紅色就唔使講都知係「我愛你」啦,黃色就代表友誼永固或妒忌、紫色代表一見鍾情,而混合顏色又有唔同意思。數量方面,特別要留意13枝,因為佢代表友情或暗戀者,如果你送13枝黃玫瑰俾女神,隨時會誤會你當佢只係朋友㗎咋。

唔少花店都有提供網上訂花,可以送埋去對方Office,俾個Surprise佢,等佢向同事Show off下都好XD (如果佢今個情人節要返工的話)。網上訂花用建行(亞洲)eye卡有5X積分。

香氣銷魂
唔少女仔都會噴香水,而唔同年紀品味嘅女性,選擇香水嘅味道都會唔同,後生嘅可能會揀味道清啲或者甜啲,成熟少少嘅可能會偏向花香味。男士可以按照女士日常用開嘅香味,或者佢俾你嘅感覺,再親自試味,揀一支送俾佢,睇下佢有咩Feedback?

食信用卡商場優惠
雖然部分商戶未必咁啱有情人節Promotion,不過如果佢哋係好大商場有分店的話,就可以食信用卡商場優惠,例如:

渣打 X 海港城
優惠期:至2月28日
星期一至五喺海港城簽滿$500,有$25咖啡現金券,簽$2,000或以上有$200咖啡現金券。
星期六簽滿$500額外加$50現金回贈,簽$2,000或以上額外加$100現金回贈。單一簽賬滿$2,000,可以參加抽獎,簽滿$5,000或以上會有15,000額外積分,最多可賺150,000分。

交通銀行 X 新鴻基地產商場 (apm)
優惠期:至2月28日
優惠期內星期五、六、日、公眾假期及其前夕,
累積簽滿$1,200有$60新地商場現金券,簽滿$3,000 (最多2張收據,每張$100或以上) 就有$100現金券。

德福廣場
優惠期:至3月31日
以電子貨幣單一消費満$4,800或以上,可換領$50港鐵商場現金禮券一張。