​嘉嘉♥尋找聖誕節酒店自助餐 (港島篇)

​嘉嘉♥尋找聖誕節酒店自助餐 (港島篇)

相關信用卡:

​嘉嘉♥尋找聖誕節酒店自助餐 (港島篇)

發表日期: 2014 年 12 月 02 日 更新日期: 2014 年 12 月 02 日 飲食

作者:艾力嘉

終於到12月啦!又到聖誕,又到聖誕^.^~諗起聖誕就開心喇,除咗有假放,仲可以不停食食食。酒店Buffet係好多人嘅聖誕節開餐首選,雖然預咗佢貴,但自助餐勝在任食唔嬲,衝一輪回下氣,再食一輪,食到回本為止XD。今次首先搵咗部分港島區酒店嘅聖誕自助餐,方便大家格下價,下次將會推出九龍同新界區,敬請留意~



港島區酒店聖誕節自助餐一覽







經濟之選:銅鑼灣利景酒店
講好味呢,我諗大家都有各自嘅心水,不過比較經濟嘅就應該係銅鑼灣利景酒店,除咗平仲有飲品任飲、聖誕老人派禮物、派對禮品包、管樂隊演奏、小丑扭氣球,幾有氣氛,啱晒一家大細 (頭盔Mode:純粹按照價錢同配套嚟講)。另外灣景國際同港島太平洋酒店聖誕正日嘅Lunch都比較平。

預早訂有折扣
今年Buffet午餐同晚餐平均要$400同$600,大酒店仲貼近$1,000,都咪話唔嗱脷,特別係要請埋女友,仲要送聖誕禮物嘅男士,我都凳佢哋肉赤。有啲酒店預早訂會有折扣優惠,例如85折,提早Plan定係有著數嘅。

頭場較平
有啲酒店會將用餐時段一分為二,賺多一轉錢,通常頭場會平啲,如果Budget唔多,可以提早預訂頭圍用膳。而正日Lunch就係尾場會平啲,時間其實過晒午飯時間,已經係Tea time,不過如果平安夜晚玩得夜,其實訓醒出到去,就啱啱好係Lunch第二輪個時間,都可以考慮。

可賺Asia Miles
有啲酒店餐廳係Asia Miles嘅合作夥伴,去食嘢可以賺Asia Miles,例如港島海逸君綽酒店嘅Le 188˚、如心南灣海景酒店LIS Cafe、香港怡東酒店嗰幾間餐廳、港島太平洋酒店薈萃閣、城市花園酒店綠茵閣、富豪香港酒店御花園咖啡室等等、都係$8賺5里數 (最低消費$300,最高$10,000),如果係去呢啲酒店餐廳,記得帶Asia Miles會員卡。

食埋信用卡優惠
講得賺Asia Miles,梗係要講埋信用卡賺分啦:
交通銀行:節日同前夕食肆簽賬有10X積分,如果係銀聯鑽石卡,簽過$300額外會有2X,夾埋即係11X。
上海商業銀行:公眾假期飲食簽賬滿$600以上,就有10X積分,正日同Boxing Day就可以用。
安信信貸:本地食肆簽滿$800有10X現金回贈,原本簽滿$150回$1,變成回$10,最多額外回$600,都幾正㗎。
渣打:全港食肆15%現金回贈,但要一個月簽滿$8,000,一個聖誕唔知Meet唔Meet到Target呢?