​善用稅貸 增值減債樣樣幫到手

​善用稅貸 增值減債樣樣幫到手

相關信用卡:

​善用稅貸 增值減債樣樣幫到手

發表日期: 2016 年 10 月 13 日 更新日期: 2016 年 10 月 13 日 生活貸款稅貸

作者:積克

稅季又到,各位有冇足夠儲備交稅?如果已經準備好一筆錢,又或者好似我咁,屬於低收入人士,交嗰雞「稅」咁多,似乎就冇需要借稅務貸款啦?非也,雖然稅貸話就話用嚟交稅,其實係可以當私人貸款咁用喺其他用途上,例如進修、投資、還卡數,幫自己低息增值減債。

進修交學費
自我增值裝備自己,先可以係激烈嘅競爭下突圍而出,升職加薪。不過讀一個Part-time Degree隨時要十幾萬,MBA更貴,申請政府嘅持續進修基金,最多都係得$10,000,雖則唔使還,但仲差一大截。政府有另一個「擴展的免入息審査貸款計劃」,可以借得多啲,不過批出貸款時間通常係交齊申請文件後6個星期,未必趕得切交學費。香港按揭證券公司亦有「自我提升貸款」,可以借到10萬,但年利率要8% / 9%,又高咗少少。
申請稅貸手續上簡單啲,時間上亦快啲,通常交齊文件5個工作天內就有錢到手,實在年利率普遍喺5%以下 (視乎貸款額同還款期),用嚟交學費都不失為一個好方法。

投資賺外快
有筆錢喺身,唔少人都會用嚟投資錢搵錢。有啲稅貸可以借到超過一百萬或月薪10倍以上,加上借到呢個數,實際年利率可以低過2%,作為一個低息資金來源的確係幾吸引。不過要提醒大家,投資有一定風險,最緊要謹慎而為,唔好將投資變成投機,借錢前亦要衡量自己嘅經濟能力同還款能力。
投資方向亦要以穩陣為主,可以考慮買藍籌股、公用股 (純粹舉例,非投資建議),避免孖展、窩輪呢類高風險投資,好似最近英鎊因英國脫歐種種消息而下跌,外界普遍認為英鎊仲有得跌,要睇定啲唔好心急入市。借錢前亦要衡量自己嘅經濟能力同還款能力。

還卡數減息
大家都知信用卡卡數利息好乸脷,年息成30%以上,如果有一大筆卡數,每期只還最低還款額,利息好襟計,仲可能要還十幾年先還得晒。除咗結餘轉戶之外,如果可以用稅貸一次過還清卡數,利息俾少好多,仲可以大大縮短還款期數。當然,還稅貸期間要量入爲出,唔好再亂碌卡。