​呢個牛市玩完未?

​呢個牛市玩完未?

相關信用卡:

​呢個牛市玩完未?

發表日期: 2015 年 05 月 06 日 更新日期: 2015 年 05 月 06 日 生活

作者:任以風

5月5號A股錄得119股災以來最大單日跌幅,好多人話到咗牛三(唔知麻煩睇睇兩星期前果篇)趕住散水。一般邏輯而言,如果A股到牛三,H股亦不遠矣,不如由阿爺嘅近況睇睇。


最近有兩個經濟數據經常被引用:國內首季本地生產總值(GDP)和製造業採購經理指數(PMI)。國家統計局公布2015年第一季度國內生產總值增長7.0%,是自2009年第一季以來最差表現,亦低過去年同期的7.4%。國家信息中心更加預計第二季經濟增長進一步放緩至6.8%,當中製造業不停收縮。第二個是製造業採購經理指數(PMI) 滙豐編製的4月份PMI是48.9,創一年低位,指數連續兩個月低於50。50PMI是經濟表現分水嶺,高於50代表行業擴張,相反低於50代表行業衰退。

兩個數據同樣反映製造業出現問題,問題就是內需不足「無人買嘢」。無人買嘢所以經濟差,好正常。問題重點就在於中國是計劃經濟體,要進行貨幣政策操作的難度比較低,去年11月以來已經2次降準2次減息,放水幾萬億,上述兩個數據都顯示放水對實體經濟幫助好似不大(因為個個用來炒股,而資金留在股票市場)。

不過昨天有個數據指「五一假期」內房銷情理想,上星期總銷量按年升46%,一線城市勞動節當日銷量按年平均升四成。反映有資金開始流入實體經濟。畢竟資金流動需要時間。

簡單來講,阿爺放水投資最終目標是要讓資金進入實體經濟,所以經濟一日未企穩,一日要繼續放水,短期內會再次減息。咁多資金喺手,呢個牛市無咁快完。