​南韓中文地圖Apps 自由行無難度

​南韓中文地圖Apps 自由行無難度

相關信用卡:

​南韓中文地圖Apps 自由行無難度

發表日期: 2016 年 02 月 26 日 更新日期: 2016 年 02 月 26 日 旅遊

作者:雅軒


南韓中文地圖Apps 自由行無難度
唔識韓文就去唔到旅行,NO NO NO!雅軒話你知去南韓自由行無難度~
韓巢地圖之前一直都只有電腦版,就算用WI-FI蛋4G上網始終有少少麻煩,無咁順暢。不過係二月韓巢終於出咗手機版啦!
雖然我未有得去韓國,不過雅軒都立刻下載試用下。


雅軒會分3個範圍講吓有咩優點同缺點:
1.地圖內容
2.地圖附加功能
3.其他服務

地圖內容


程式大部分功能同電腦版無咩分別,顯示店舖非常詳細,雅軒去旅行最鍾意約人係大型連鎖店到等,程式入面除咗有H&M,麥當勞同Starbucks,7-11 這類大型連鎖店外,都提供到好多好似DUNKIN DONUTS,NIKE,Adidas這些在Google Map上搵唔到既舖頭。
其他如銀行,櫃員機都有,方便你拎錢消費!
同埋搵到酒店都好正常,不過雅軒住慣Hostel,梗係要試下搵唔搵到啦,又真係直接打名都搵到大部分Hostel,不過Airbnb既住宿就唔可以用名Search,要用返地址搵,但係準確度是和Google Map一樣的!
地圖亦可以拉大縮細睇,左下角仲有定位服務!

而 且 它 是 全 中 文 的!

地圖附加功能

程式左邊有功能表揀既。


「地鐵站路線圖」有得下載,方便離線用,亦都可以點對點咁搵路,同香港MTR個APPs差唔多,幾易用!



 分別有4個搜尋功能:

     「路線搜尋」另一個點對點搵路,有巴士同行走路線。
    「關鍵字搜索」如果內置無紀錄就會去咗網上版,又會去返慢慢的狀態。
     「分類搜尋」有多個類別選擇,例如「美食」內亦會有不同分類,方便搜尋!
     「使用地址」入區號個種,就係方便搵民宿既時候用。



 「人氣地區」非常好用!除咗有一些主要既旅遊點介紹,令未去過既人都可以有少少概念之外,可以直接按入去睇下距離自己有幾遠。而且個List非常長,基本上旅遊書有既都齊曬,另外仲有釜山,濟洲同首爾郊外都有。


其他服務

「收藏夾」入曬想去既地方入去,之後就可以跟住個Plan咁去,不過要登錄的。而且不提供離線功能,都係Cap圖Cap定會好D!
仲有一大堆實用連結好似訂酒店,訂Local Tour,天氣,匯率,日曆等等,連整容都有!不過都係連去網上版的。


另有一個「優惠劵」連結,入面既Coupon真係好多!多到雅軒無咩心機睇(懶懶的),你地加油!

整體黎講,這個Apps真係好好用,只係好多野都要link返上網有少少煩啫(貪心Mode),其他功能都好強大!至少有佢就唔會蕩失路啦!


韓巢地圖 Konest Map
電腦版及手機版網頁:
http://map.cn.konest.com/
IOS同Android都有上架。