​人民幣變相貶值對香港的影響

截至交稿今日，人行定出的人民幣中間價連跌三日，目前累跌約4.6%。影響除咗短期手頭上人仔及人仔衍生產品價值力下降，仲有好多。

首先股方面，一般分析指外債多嘅中資公司同進口多嘅公司最慘，比如三大國有航空公司截至去年底以美元結算嘅債務總值都在500億人仔上下。其實無咁簡單，因為上市公司持有好多人民幣或相關資產，你手頭上揸住嘅，建議你查下佢舊年年報，今日I.T.(00999)就發盈警，話預期人仔滙兌蝕六千萬。

本地實體經濟方面比較簡單，國內自由行客減少基本上是必然結果，對邊境區民來講有樣好，水貨客盈利低咗，理論上可以紓緩小小相關困境。不過總體內講香港失業率今年第四季或者來年第一季會回升。

這點可以引申到香港樓市表現，之前有篇BLOG講過香港樓市靠優質炒家同自用需求支撐，所以有推論認為人民幣變相貶值拖低香港經濟，而樓市會下調。另一方面話貶值非一次性，而是持續性，會嚇走外資，資金會喺香港靠岸，甚至港人北上資金也會回流。

「嚇走外資」理論邏輯上有缺憾，因為大陸的外國資金比例不高而且進出不自由，你撤資佢就凍結你戶口，所以在金融體系上可流走資金很少。至於實體投資，假設你開廠開公司，會唔會因為人仔跌幾%而出現具規模的賣盤結業潮呢？再者人仔貶值等於外資投資的成本降低，分分鐘係吸引/留住資金。另外內地一二線城市樓價處於上升勢頭，未必有套現潮。