​五窮六絕七翻身只係迷信?

​五窮六絕七翻身只係迷信?

相關信用卡:

​五窮六絕七翻身只係迷信?

發表日期: 2015 年 07 月 02 日 更新日期: 2015 年 07 月 02 日 生活

作者:任以風

「五窮六絕七翻身」是香港股壇一個傳說,話每年五月股市會向下,到六月見底,然後七月回升。今年「五窮六絕」已經中咗,好多人期待七翻身,真係咁易睇?


近近地睇最近兩年,2013年5至7月走勢比較接近「五窮六絕七翻身」,不過舊年就唔中,5至7月處於升勢。再睇闊少少,恒指由80年代開始出現「五窮六絕」兩個月連跌情況連同今年有10次,當中「七翻身」有4次,但七月再跌都有4次,還有一次橫行。

除了香港有「五窮六絕七翻身」,美國人亦有一句「Sell in May and go away」。不過美國人就提出很多解釋,有人話因為上市公司由四月開始公布業績,績後「見光死」又或已完全消費炒作業績的潛力。又有人話因為上市公司派末期息後,在5、6月除權,令到股票價值降低。無論背後理論如何,的確道指過去50年在5至10月的平均表現比其餘月份差。「Sell in May and go away」不得不服(我強調現象只存在於美國市場)。

「五窮六絕」再「七翻身」用在恒指上,準確度不足一半,用嚟玩股不如過大海買大細。投資世界個個都可以係股神,但有一種人一定唔係,就係咩都唔知聽人講一句就仆到去買的小棉羊。