​一年一度,生日大晒!
​一年一度,生日大晒!
相關信用卡:

​一年一度,生日大晒!

發表日期: 2015 年 06 月 24 日 更新日期: 2015 年 06 月 24 日 優惠攻略生活
作者:儲里數新手

生日人人都有,但又有幾多朋友會「善用」自己的生日,享用一下優惠呢?今次就幫大家搜羅坊間一些生日優惠,有得食有得玩之餘,仲可以上天下海啊!


<主題樂園篇>
海洋公園推出生日優惠已有一段日子,相信已經有唔少朋友試過免費入場~
但其實杜莎夫人蠟像館一樣可以免費入場,仲唔限正日,前後一日都可以,而且最多三位同行的親友都可以半價入場㗎!
其他好似昂坪360或者3D館都有免費,但有機會撞期,如何取捨就要大家自己計劃了


<食飯篇>
玩完一日梗係要食下飯架啦,唔少酒店都有提供生日優惠,當中首推信和集團旗下酒店的免費自助晚餐!夀星仔/女成為「信和之友」後,生日當月可免費食一餐dinner buffet,尖沙咀或者上環的皇家太平洋、北角的城市花園酒店、屯門黃金海岸酒店都任揀一間,留意必需有最少一位同行者付全費,即差不多等如買一送一,變相以平價lunch buffet價錢食到超正dinner buffet呀!


<唱K篇>
想一大班朋友一齊慶祝?包間K房就點玩都得啦~~
Neway設有生日優惠,但每間分店的優惠都有少少分別,自己研究下啦,唔講咁多喇!


<玩樂。購物篇>
最後再講下幾個優惠啦
如果鍾意去澳門食下野行下街的朋友要留意了,金光飛航有生日優惠架,生日當月可以$218買到來回船票(最多共兩位),而家多左咁多新酒店,過去行下都唔錯㗎,生日可以會特別幸運,分分鐘贏返張船飛錢添㗎!
至於最後幾個品牌的生日優惠,純粹個人經驗所得,不代表其他牌子無生日優惠,大家如果知道其他牌子的優惠,不妨分享下啊~~~


所以話呢……生日優惠多籮籮,點都揀返一兩樣享用下先抵

而且仲可以配合信用卡優惠一併使用,好似食飯簽帳可以用HSBC咁啦
登記左「賞滋味」的話,普通卡可賺6X/11X,Visa Signature更可享9X/14X積分
另外,持卡人亦會收到生日優惠券(詳情︰按此)

另外,Citibank Rewards信用卡生日月份8X積分、大新英航信用卡生日當日 $3 = 1 Avois的優惠都不能錯過啊!

恒生優越理財World MasterCard則尊享星級酒店生日禮遇及$200 Cash Dollars生日獎賞 (詳情︰按此)

其他信用卡就暫時未見有太多關於生日的推廣了~