淘寶買嘢點慳手續費?
淘寶買嘢點慳手續費?
相關信用卡:

淘寶買嘢點慳手續費?

發表日期: 2014 年 07 月 24 日 更新日期: 2014 年 07 月 24 日 優惠攻略購物
作者:積克

積克買電腦鍾意DIY,但有啲配件即使香港有代理,亦未必會引入晒所有Model,要上淘寶搵,特別係機箱同散熱器。喺淘寶買嘢俾錢,有幾種方法,例如國際信用卡、快捷支付、支付寶購物卡、八達通、PPS繳費靈、同埋搵人代充值等等。

而每種付款方式都會收唔同手續費,例如國際信用卡通常係3%,快捷支付由1.5%至3%,八達通同PPS都係1.5%,睇落似乎係八達通同PPS最抵,但限額比較低。而買支付寶購物卡同好多代充服務都唔收手續費,但就會係匯率賺返。

中銀信用卡做快捷支付


如果想用信用卡俾錢,可以考慮用中銀信銀國際做快捷支付,因為手續費係1.5%。另外富邦做快捷支付手續費亦係1.5%,簽賬可以儲積分,每満港幣$300仲有多5,000分,最多可以賺多20,000分。不過佢呢個優惠到7月31號就完,好彩$300唔算多,多多少少都仲賺得切。