有冇諗過用信用卡買$12,000嘢，除咗賺到信用卡積分，仲可以攞埋張單人來回日本機票加酒店禮卷？真係得㗎！
即日起至2019年8月31日期間，成功申請WeWa銀聯卡，再喺90日內簽滿$12,000，就攞到單人來回日本(大阪或沖繩)標準客位機票一套同HK$100酒店禮券。加上本身張卡喺旅遊、戲院、卡拉OK及主題公園類別嘅簽賬都有4%現金回贈，用嚟訂埋酒店，加埋佢張免費機票就Perfect喇！加埋佢申請門檻低，學生都可以攞到，呢張機票可謂人人都可以攞。（本文更新至2019年3月29日）
WeWa 銀聯 信用卡 迎新 送 日本 機票 酒店 禮券
呢個迎新玩法簡單，只要經 呢條Link 申請，喺發卡後頭90天內，用張WeWa 銀聯信用卡簽賬滿HK$12,000，本地/海外簽賬、八達通自動增值金額或者網購都得。 即是，如果你本身已經有大額嘢想買，只要過$12,000，例如想買iPhone XS Max 512GB，剛剛好就一炮過食晒迎新。又或者準備買電腦、去歐洲旅行買機票加酒店、去日本掃貨等等，一樣得，概念等同買嘢順便送張機票畀你！ 或者你冇一炮過嘅消費都唔緊要，佢有3個月可以簽滿，如果你本身每月信用卡消費本來就夠$4,000（佢八達通自動增值都計迎新），咁就仲簡單，將你本來嘅消費撥晒去用WeWa銀聯卡簽就得！ 如果你話仲差啲先夠每月$4,000喎，咁就可以考慮用佢嚟買定一啲固定消耗品，例如去超級市場入定幾個月貨，或者你固定每個月會課金打機，咪買定多啲點數卡先，之後唔使買。仲有，你經常會幫襯嘅舖頭嘅現金券，都係好選擇。 你完全唔需要為食迎新而做不必要大額消費（咁不如直接買機票？），但只要改一改消費嘅時間，就有張機票畀你，why not？WeWa 銀聯 信用卡 迎新 詳情
講返個迎新禮物係分兩部分，包括單人來回日本標準客位機票一套，同埋$100酒店禮券。你用呢度申請嘅WeWa銀聯卡簽滿$12,000後，過一排信用卡公司會通知你填表，填完hutchgo.com會打畀你幫你訂機票（收唔到電話都可以自己打上去）同訂酒店（自費，可以唔訂）。訂酒店滿$1,000，同埋簽WeWa銀聯卡，可以用張$100酒店禮券，唔用就當放棄。 張機票可以揀坐樂桃航空香港來回大阪或者香港來回沖繩。留意番，同換機票一樣，要畀稅、燃油附加費等等其他費用，同埋hutchgo.com香港都會收返$100手續費，用返張WeWa卡找數就OK。而出發日期可以由2019年4月8日至2020年3月31日隨便揀，不過唔包旺季*。 幫大家check咗喇，樂桃航空香港來回大阪非旺季要過$2,000，例如10月19-25日，來回未連稅要$2,120，扣返手續費，再加番$100酒店禮券，total個迎新價值$2,120。粗略地計，簽$12,000就有價值$2,120禮物，計返有17.6%回贈，最重要係夠實用，用得著吖嘛！ 提提大家，雖然優惠期去到2019年8月31日，而迎新亦冇特別話限量，但係條款寫明：「如申請反應熱烈，此迎新優惠的推廣日期將提早結束而不另行通知。」即係隨時都可以變限量！而且仲要睇埋機位供應呢！咁嘅話，確實係愈早申請愈好，想飛就唔好等，咁正嘅迎新係可遇不可求！ 萬一日本旅行唔啱你，都仲有其他迎新禮物揀嘅，包括$600 Häagen-Dazs™禮券或者$500現金回贈。佢哋嘅簽賬要求會低一啲，只需要簽$8,500啫，都係要發卡後頭90天內完成。如果全日制大學/大專學生申請仲多個選擇，就係90天內簽$2,000，會賺到$200現金回贈。 *旺季日期包括但不限於：2019年：4月19日至4月22日、4月27日至5月4日、5月9日至5月13日、6月4日至6月7日、6月27日至7月1日、7月15日至8月15日、9月10日至9月15日、9月28日至10月8日、11月21日至11月26日、12月21日至12月31日，2020年︰1月1日至1月2日、1月19日至2月2日。 有關條款及細則，以銀行為準WeWa銀聯卡