Min Pay??? No Way!!!
更新日期: 2012 年 10 月 17 日
最近留意到信用卡的最低還款額可以低至結欠的1%，發現銀行的心態真係想永遠同你做生意。因為只要動手計一計數，如果你個個只還Min Pay，你呢一世都唔會還得哂，仲要愈來愈多結欠。
用1萬來計，1% 的Min Pay係$100，你還左$100，就唔會有手續費出現，但就會有財務費用，亦就是利息了。信用卡的利息是以月息計算，大約2-3%左右，即係一個月之後，欠款就會增加2-3%。
銀行的手續費計法十分複雜，現在為了容易理解，就簡化了中間的步驟。你還了$100，尚欠$9,900。利息以3%計算，不計其他費用，下個月的欠款就已經到了$10,197。再還1%之後，你會發現欠款愈來愈多，根本Min Pay係無可能還完的！！！
由此可見，銀行是「真心」想你永遠做佢的客戶，仲想你永遠幫銀行打工呢！！！
如果你問銀行是否一個君子？ 我會說銀行是一個小人更貼切。