東亞日11X獎分升級禮遇都進行咗一年喇,最高會有成4.4%現金回贈。5月1日起,東亞會改條款,唔單止東亞日優惠全面升級,仲日日都可以用。改咗之後,東亞銀行Visa Signature卡食飯最多有6.8%現金回贈,i-Titanium卡網上簽賬更加有高達7.8%現金回贈!一夜之間成為市面上最強現金回贈卡。究竟點計法?睇呢篇啦!
舊版東亞日
先講吓以前東亞日點玩先啦,總共分3部分。
1. 「星期六日●東亞日」
喺星期六、日,單一本地簽賬滿$500*,包括基本 1X 獎分、個別卡類專享嘅額外獎分,總共會有11倍獎分。
每月回贈上限: 額外$200回贈或50,000積分
2. 「旅遊日●東亞日」
單一海外簽賬(非網上)滿$500*,包括基本 1X 獎分、個別卡類專享嘅額外獎分,總共會有11倍獎分。
每月回贈上限: 額外$200回贈或50,000積分
3. 「快餐/咖啡日●東亞日」
單一簽賬 HK$500 以下並透過 Apple Pay/Google Pay 畀錢,會有10%回贈。
每月回贈上限: 額外$100回贈
*不合資格交易包括超級市場/ 百貨公司/ 旅行社/ HKTVmall/ Taobao.com/ Tmall之零售或網上簽賬、現金透支、網上/自動櫃員機繳款、稅務繳款、循環付款、自動轉賬交易、八達通自動增值服務、轉賬金額、購買及/或充值儲值卡或電子錢包、「好用錢」計劃有關金額、財務費用、逾期手續費、年費、銀行收費及籌碼兌換。
2019年5月1日生效新條款
4.4%現金回贈由包括基本獎分、個別卡類專享嘅額外獎分變成
額外4.4%現金回贈。簡單講,即是以前頂盡4.4%,而家呢4.4%變成額外,可以加埋基本分一齊計!
當月只要簽滿指定金額,所有簽賬都會有額外4.4%現金回贈。Visa Signature卡要累積消費滿$4,000,而i-titanium卡累積消費要求係$2,000。
1. 「東亞日●本地簽賬」
星期一至日所有本地零售簽賬/網上購物,包括超級市場/百貨公司/旅行社,都變成合資格交易。
只要當月累積消費滿$4,000(Visa Signature卡) / $2,000(i-Titanium卡),就全數有額外4.4%回贈,仲可以加埋個別卡類專享嘅額外獎分。所以,只要當月用Visa Signature卡累積消費滿$4,000,當中食飯消費就最多有6.8%現金回贈
#。而用i-titanium卡累積消費滿$1,800,當中嘅網上簽賬更加有高達7.8%現金回贈
@!
留意每月回贈上限: 額外$200回贈或50,000積分,即是每月上限簽$4,545左右就食盡。
2. 「東亞日●海外/網上外幣簽賬」
除咗海外簽賬之外,網上外幣簽賬都包。
如果當月用Visa Signature卡累積消費滿$4,000,當中嘅海外簽賬最多有6%現金回贈
^。而用i-titanium卡累積消費滿$1,800,當中嘅網上外幣簽賬都有高達7.8%現金回贈
@。
留意每月回贈上限: 額外$200回贈或50,000積分,即是每月上限簽$4,545左右就食盡。
3. 「東亞日●手機付款」
餅店、快餐店、咖啡店都有10%現金回贈。呢10%係由「東亞日●本地簽賬」嘅4.4%現金回贈加上「東亞日●手機付款」嘅5.6%現金回贈而組成。
留意每月回贈上限: 額外$100回贈,每月上限簽$1,785左右就食盡。
#包括Visa Signature卡本地食肆6X獎分(2.4%)+東亞日4.4%
@包括i-Titanium卡基本1X獎分(0.4%)+網上購物3% i-Dollar回贈(當月簽賬滿$1,800)+東亞日4.4%
^包括Visa Signature卡海外簽賬4X獎分(1.6%)+東亞日4.4%
相關文章
信用卡現金回贈不同年薪之選(一)本地消費篇
信用卡現金回贈不同年薪之選(二)海外消費篇
現金回贈信用卡比較