$30懶人料理 醃漬牛油果三文魚飯

日本人興起用日本豉油同 Wasabi 去伴牛油果，由於牛油果肥腴嘅口感就好似魚油咁肥美，加埋wasabi食就似足三文魚刺身，所以被稱之為「窮人拖羅」！

而牛油果同三文魚呢對組合喺美國亦好受歡迎，經常被用於Poke上。Poke係夏威夷菜單名稱，於夏威夷話裡面係「切成一粒粒」嘅意思。Poke係融合日本料理而產生嘅菜色，由米飯、魚生加上配料攪埋一齊食，美國前總統奧巴馬都好鍾意食呢。由於Poke低卡路里，煮法少油少鹽，十分健康，所以大受減肥人士同愛窕窈嘅女士歡迎；加上材料簡單，啱晒想慳錢嘅懶人呢！依家就介紹下點整啦。

 

 

材料：(以下價錢以所需分量計算)

牛油果 半隻 ＄4

飯 一碗 $2

三文魚 四片 ＄16

蛋黃 一個＄2

 

醃料 ＄6

胡椒粉 一茶匙

白芝麻 適量

蕎麥麵汁 150毫升

麻油 一茶匙

 

總共＄30

 

步驟：

 

1.先將牛油果切半，用手一扭就可輕易將之分開。

2.用匙羹挖出果肉，將之切片。

 

3.放牛油果進入容器中。

4.準備三文魚、蕎麥麵汁、麻油、胡椒粉及白芝麻。

5.逐一倒入放有牛油果之容器中。

 

6.攪拌好醃汁，確保每片牛油果、三文魚都浸到汁料。

7.將之冷藏2小時

8.將完成冷藏時，拿出雞蛋，分出蛋黃。

9.取出醃三文魚及牛油果，

10.準備好飯, 但不要盛過滿。

11.在飯上放好醃三文魚及牛油果。

 

12.於配料上加上蛋黃，完成！