0成本 9個月速刷馬爾代夫機票教學

0成本 9個月速刷馬爾代夫機票教學

相關信用卡:

0成本 9個月速刷馬爾代夫機票教學

發表日期: 2019 年 03 月 09 日 更新日期: 2019 年 03 月 09 日 儲里數攻略優惠攻略生活

作者:編輯部

今次教大家點樣可以零成本,喺9個月內,賺到一套來回馬爾代夫機票,真係得㗎,而且方法好簡單!(本文更新至2019年3月8日)

基本玩法

1. 首先要介紹所需道具先,就係一張DBS Black World Mastercard,先講吓張卡,你唔想睇可以直接Skip去下一步。DBS Black World Mastercard係張專儲里數嘅信用卡,里數兌換率分別係本地簽賬有$6/里,海外簽賬$4/里,八通達自動增值有$12/里,而且可以換亞洲萬里通、Avios、KrisFlyer、鳳凰知音四種里數 。呢個兌換率用嚟刷電子錢包就數一數二喇,同埋最緊要係足夠完成我哋嘅目標,即是9個月速刷馬爾代夫來回機票一張,而且冇里數兌換手續費。 2. 有張卡之後,你仲需要有4個電子錢包已認證嘅賬戶,包括:PayMe、WeChat Pay、AlipayHK同埋O! ePay。每個電子錢包每個月都要用DBS Black World Mastercard 增值 $5,000,再轉帳呢 $5,000。PayMe、O! ePay可以轉畀自己,至於WeChat Pay、AlipayHK係需要另一個用戶,將$5,000轉賬過去先得嘅,簡單講,即係要有個人同你一齊玩。而O! ePay係透過八達通自動增值入錢落去,所以每日只可以增值$250一次,總共要分20日完成。 總括而言,每個月刷PayMe一次、WeChat Pay一次、AlipayHK一次,同埋O! ePay 20次。咁樣每個月加埋就可以用DBS Black World Mastercard刷電子錢包刷出2,916里(Avios)。  
電子錢包 每月簽賬 里數兌換率 賺取里數(Avios)
PayMe增值 $5,000 $6/里 833
WeChat Pay轉賬 $5,000 $6/里 833
AlipayHK轉賬 $5,000 $6/里 833
O! ePay增值 $5,000 $12/里 416
2916
DBS Black World Mastercard可以換四種里數,今次個case我哋建議大家換Avios,因為換馬爾代夫來回機票只需要25,000里,真係抵到爛!計返刷9個月電子錢包就完成任務喇。   如果想了解錢包詳情,例如點樣認證、增值、轉帳,可以睇我哋教學系列: 【電子錢包教學】WeChat Pay 信用卡 香港內地增值/轉賬/積分/里數/優惠合集 【電子錢包教學】PayMe 信用卡 優惠/里數/積分/迎新/增值限額合集 【電子錢包教學】八達通OePay 信用卡 優惠/里數/積分/增值限額合集 【電子錢包教學】 AlipayHK 信用卡 增值/轉賬/積分/里數/優惠合集

更簡單玩法

如果你嫌O! ePay要分20日刷好麻煩,搞咁多嘢只得$12/里,為求簡單方便,會建議你只刷PayMe、WeChat Pay、AlipayHK 三個電子錢包,每個月只需要搵一日嚟做,三個錢包各自增值/轉賬$5,000,都係$6/里,每個月都賺到2,500里。計計埋埋十個月就可以賺到換馬爾代夫來回機票嘅所需里數(25,000里),都唔係差好遠。

加速玩法

如果你都係嫌9-10個月先儲到張機票太耐喇,咁都有方法可以加速儲嘅,就係用DBS Black World Mastercard消費,食埋佢個迎新優惠。首先你要係新客,而且過去12個月內都冇任何DBS信用卡,以下係迎新禮遇: 本地簽賬:首HK$5,000 里數兌換比率:HK$1 = 1里 (上限:5,000里) 本地簽賬:其後HK$235,000 里數兌換比率:HK$5 = 1里 (上限:47,000里) 海外簽賬:首HK$5,000 里數兌換比率:HK$1 = 1里 (上限:5,000里) 海外簽賬:其後HK$70,000 里數兌換比率:HK$2.5 = 1里 (上限:28,000里) 合共累積里數獎賞:85,000里 提返大家,刷電子錢包係唔計迎新禮遇嘅簽賬要求金額,所以大家可以分開兩邊一齊儲里數,一邊刷電子錢包,另一邊袋住DBS Black World Mastercard日常用,出街食飯買嘢都用佢。 例如用張新卡本地簽賬$5,000,有$1/里,可以賺到5,000里,等於快咗差唔多兩個月時間,(25000里-5000里)/2916,咁7個月內就儲夠換得到喇!總之就係日常越簽得多,儲機票就儲得越快。

DBS Black World Mastercard