食盡最大額獎賞之冬日感動賞(一)
食盡最大額獎賞之冬日感動賞(一)
相關信用卡:

食盡最大額獎賞之冬日感動賞(一)

發表日期: 2013 年 12 月 12 日 更新日期: 2013 年 12 月 12 日 購物
作者:Lady C.

朋友問Lady C.最近有咩熱點好蒲,但佢又唔肯離開公司同屋企方圓一百呎距離(比喻,勿認真),咁沙田同銅鑼灣,離離去去都係新城市Times Square架啦……仲扮咩野問(怒)。

講開沙田同銅鑼灣,我知道「匯豐最紅冬日感動賞」呢個推廣好多人討論呀,好多人都話今次個玩法複雜左,又A又B又C,計黎計去好容易計錯數搞到自己簽大左都唔知。為此,Lady C.我本住服務人人既精神(被毆),同大家計左條數出黎。

列表之前,先講解一下係以咩做基準去計先:首先呢度係整合左最紅冬日感動賞入面既指定商戶簽賬(參考條款第3點,指定商戶包括百老匯電器、萬寧、新城市廣場同時代廣場)、加上萬寧逢星期五、六及日額外賞、再加基本獎賞錢(未計最紅6X),以食盡最大額獎賞,又唔簽爆數為目標。

由於條款第12條有講明,話之你碌爆卡都好,「最紅冬日感動賞」推廣期內(12月1日~2014年2月16日)每星期每位持卡人只可獲得最多$200獎賞錢(下稱RC),整個推廣最多可得$1,200RC(除非係匯豐卓越理財信用卡持有人,可得$1,400RC);而「萬寧額外優惠」第29條條款又有講,每星期最多可得$50RC,所以一切都係以唔簽OVER呢兩個數為基準。

PLAN A
問世間PLAN A有幾多?抽中PLAN A$500 = $50RC,唔使講當然係可以用最少簽賬額換最多獎賞錢啦。由今日起至推廣完(共十星期),只要抽六個星期,逢星期五、六或日去一轉萬寧勁掃貨,掃夠$2,000一轉,全期簽夠$12,000就可以獲得$1,488RC,計出黎即係等於每簽$100就有$12.4RC



六星期(萬寧)玩法 =
每星期五、六及日去萬寧共簽$2,000 -> 重複以上動作6次 -> 獲得$1,488RC

六星期(其他指定商戶)玩法 =
每星期不限日子共簽$2,000 -> 重複以上動作6次 -> 獲得$1,248RC



唔想狂買萬寧,都可以去其他指定商戶簽賬,目標金額都係一樣,只係冇得賺萬寧額外賞咁解~

PLAN B
PLAN B每簽$500 = $40RC,玩盡「最紅冬日感動賞」x「萬寧額外優惠」全期可得$1,560RC。玩既方法有兩種:六星期 / 八星期,六星期都係同PLAN A同理,不過每星期要簽夠$2,500,比PLAN A多$500先食得盡;八星期玩法就都係七個星期(每星期)簽$2,000,一個星期簽$1,000(如果唔小心簽左$2,000就突左$1,000,多出黎既賬目=$100換$2.4RC,唔抵!)。全期加埋等於簽賬$15,000,共獲得$1,560RC,即每簽$100有$10.4RC



六星期(萬寧)玩法 =
每星期五、六及日去萬寧共簽$2,500 -> 重複以上動作6次 -> 獲得$1,560RC

六星期(其他指定商戶)玩法 =
每星期不限日子共簽$2,500 -> 重複以上動作6次 -> 獲得$1,260RC

八星期(萬寧)玩法 =
每星期五、六及日去萬寧共簽$2,000 -> 重複以上動作7次 ->
共中一個星期五、六及日去萬寧共簽$1,000 -> 獲得$1,560RC

剩返PLAN C「最紅冬日感動網站欣賞故事」未同大家分享,下回繼續分解~