其實喺東南亞,唔同國家嘅退稅制度都好唔同,退稅手續亦各有差異,下面就列哂東南亞各國嘅退稅資料,出發前一定要睇清楚,以免超出旅行預算!
日本 | |
稅率 | 8% |
消費金額 | ¥5,000-500,000 (一般物品及消耗品合併計算,未連稅,同一日同一商戶) |
退稅地點 | 商戶 |
退稅手續 | 喺有「Japan. Tax-Free Shop」標誌嘅舖頭買嘢, 埋單時商戶會即場辦理退稅手續, 如果喺百貨公司,有專門退稅嘅櫃位, 帶住商品、收據同護照,搞掂之後就可以當場退稅。 出境嘅時候,向海關出示返購買嘅商品, 同埋護照入面嘅收據, 如果店員將商品封入密封膠袋,記得唔好拆封, 跟身帶埋過關,因為海關可能會Check。 |
日本退稅表誌。
韓國 | |
稅率 | 10% |
消費金額 | 30,000韓圜以上 (商店即場退稅) |
退稅地點 | 商戶、市區退稅點、機場 |
退稅手續 | 商戶即場退稅: 有8個唔同嘅退稅公司,認住有貼其中一個就可以退稅。 單筆最高金額500,000韓圜,整個行程計1,000,000韓圜,其後消費額要喺機場退稅。市區退稅點: 可以問店員攞退稅單 (機場退稅都要用),帶埋護照同信用卡去市區退稅點退返現金, 不過要用信用卡先過數擔保,去到機場要去海關指定櫃位檢查,再取消返信用卡擔保。機場退稅: 先去Check-in攞登機證,如果商品要寄艙,地勤貼完行李貼紙要問佢拎返件行李,話去退稅。 退稅要出示護照,登機證,退稅單、行李貼紙、商品。單一退稅額少過75,000韓圜: .唔使去海關檢查,去電子退稅機辦手續,過海關,去退稅櫃位攞錢就OK。 已經做咗市區退稅/單一退稅額超過75,000韓圜: .就要去海關檢查確認,先至過關再去退稅櫃位攞錢。 |
EASY TAX FREE、SJ TAXFREE僅可在機場或港口退稅
韓國退稅標誌。
台灣 | |
稅率 | 5% (退稅服務手續費14%) |
消費金額 | 2,000新臺幣以上 (含稅,同一日同一商戶) |
退稅地點 | 商戶、市區退稅點、機場 |
退稅手續 | 現場小額退稅: 貼有「外籍旅客購物退稅標誌」嘅舖頭,買滿24,000新臺幣以下 (含稅)。 嗰次行程小額退稅消費額120,000新臺幣或以上, 或同年小額退稅消費額240,000新臺幣或以上,就要去機場退稅。特約市區退稅: 埋單時問舖頭拎「退稅明細申請表」, 帶齊護照、信用卡、收據、退稅明細申請表去市區退稅服務櫃檯, 用信用卡交擔保金,收齊退稅單據同錢, 去到機場出境前,去退稅機退稅服務櫃檯檢查,取消擔保金。機場退稅: 出境前去去自動退稅機或退稅服務櫃檯睇下使唔使經海關檢查, 如果唔需要檢查,或者檢查完,就可以去退稅。 退稅可以揀現金、支票或入落信用卡戶口。 |
台灣退稅標誌。
新加坡 | |
稅率 | 7% (退稅會收手續費) |
消費金額 | 100新元以上 (同一日同一商戶) |
退稅地點 | 機場 |
退稅手續 | 喺可以退稅嘅舖頭買嘢,問店員攞退稅單。 去機場Check-in前去自動退稅機或退稅櫃位辦手續同檢查商品,攞退稅證明。 過關後可以指定櫃位退現金。如果想退落信用卡戶口,可以直接喺自動退稅機搞。 |
新加坡退稅標誌。
馬來西亞 | |
稅率 | 0% |
2018年6月1日起, 馬來西亞財政部將之前6%嘅消費稅降至零,所以旅遊退稅體制都係同一日結束咗! |
泰國 | |
稅率 | 7% (退稅率按消費金額而不同,唔會退足7%) |
消費金額 | 2,000泰銖以上 (同一日同一商戶) |
退稅地點 | 機場 |
退稅手續 | 有「VAT Refund for Tourists」標誌嘅舖頭代表可以退稅。 埋單時會有一張退稅表 (P.P.10),填返基本個人資料。 離境時喺國際級機場海關檢查退稅單、收據同退稅商品之後,就可以Check-in過關,再去攞返錢。 如果退稅少於30,000泰銖就收現金,超過的話就出匯票或入落信用卡戶口。 |
泰國退稅標誌
泰國退稅金額表,亦可以去呢個網頁下面有計數機,入銀碼就會自動計出嚟。
Q:點樣先知嗰間舖頭買嘢有得退稅?
A:只有參與退稅計劃嘅舖頭可以退稅,都會喺當眼處貼住退稅標誌。通常退稅標誌都係統一,不過亦有例外,例如韓國有8個退稅平台,就有8個標誌。
Q:邊啲貨品唔可以退稅?
A:每個國家都唔同,買之前可以問下店員。一般嚟講,喺境內用過嘅商品冇得退稅,就好似日本藥妝,買嗰陣店員會放入密封袋,嚴格嚟講去到機場檢查前都唔可以拆開,開咗袋佢當你用過,就冇得退稅。
Q:係咪要主動攞退稅單?
A:除咗直接店內退稅,如果係某啲要去機場退稅嘅國家,最好主動同店員講要退稅,咁佢就會幫你填退稅單。如果冇退稅單,單憑買嘢嘅收據係退唔到稅。
Q:如果搭凌晨機 / 超早機,退稅櫃位未開 / 冇人辦公,又冇自助退稅機 / 自助退稅機冇得直接退錢,點算好?
A:如果退稅櫃位未開、冇工作人員喺度、遲咗去機場或太多人退稅排晒長龍,可以睇下有冇投遞箱,將退稅單放入專用信封再放入投遞箱,然後等退稅寄支票或入數落信用卡戶口。
Q:如果簽卡買嘢之後退稅,會唔會扣返信用卡積分或里數?
A:如果退返落信用卡,有可能會扣返信用卡積分或里數,因為信用卡條款通常都會列明,如果係退款嘅交易,係唔會當係合資格交易,而退稅有可能會被視為退款嘅交易。如果係退現金嘅話,就冇呢個問題。
退稅可以慳到錢,響HongKongCard.com申請埋以下有優惠嘅信用卡,賺埋現金回贈,咁就仲抵!