雙手白滑護膚小技巧 你知幾多?

雙手白滑護膚小技巧 你知幾多?

相關信用卡:

雙手白滑護膚小技巧 你知幾多?

發表日期: 2016 年 06 月 27 日 更新日期: 2016 年 06 月 27 日 生活

作者:Yvone 二方

即使依家係夏天,濕度咁高,真係唔知點解隻手都係keep住乾,所以都會帶住支hand cream傍身。揀hand cream時又要留意啲咩?除咗搽護手霜,仲有咩其他貼士可以令雙手白白滑滑?

根據American Academy of Dermatology(AAD),以下呢啲都係好常見嘅保濕成份:
Petrolatum (礦物脂)、Mineral oil(礦物油)、Shea butter(乳油木果油)、Lanolin (羊毛脂)、Dimethicone (矽靈)、Hyaluronic acid (透明質酸)、Glycerin (甘油)、Olive oil (橄欖油)、Urea(尿素)

Petrolatum(礦物脂)係一種半固體嘅碳氫化合物混合物,Mineral oil(礦物油)就係液態嘅碳氫化合物,呢2隻成份喺好多化妝品護膚品都有。佢哋油性嘅質地可以幫助皮膚鎖緊水份。Shea butter(乳油木果油)係由非州奶油樹(sheer tree)嘅果實提取。佢對乾性皮膚有一個好好嘅潤滑作用。Lanolin (羊毛脂)係一個動物來源嘅物質,佢用喺護膚品時可以幫助減低皮膚水份散失,不過要留意有啲人對羊毛脂易產生敏感。Dimethicone (矽靈)可以幫助皮膚保濕,減低乾燥帶來嘅不適。Hyaluronic acid (透明質酸)相信大家都成日聽,佢其實本身喺我哋身體入面都有,喺眼睛同關節係最高濃度,通常會加入護膚品做補濕嘅用途。Glycerin (甘油)之前都介紹過,佢有吸水嘅特性,可以濕潤皮膚。Olive oil (橄欖油)用喺皮膚上已經有好耐嘅歷史,都可以幫助皮膚保濕。Urea(尿素)亦係一種好常見嘅補濕物質,可以幫助肌膚補水,亦有軟化角質嘅功用。

依家有啲新嘅產品都會加入barrier repair lipids,呢啲油脂會喺表皮細胞嗰度參與修復嘅工作,例如ceramide咁。

保濕VS補濕?

雖然以上嘅成份都喺護膚品會老是常出現,不過佢哋同肌膚保持濕潤嘅原理都唔同,一個係靠喺皮膚上面形成一層膜,防止肌膚水份流失,保持濕潤;另一個係主動吸引水份到皮膚上面,等皮膚濕潤。通常較油性嘅成份都係較前一個原理,係皮膚上形成油膜防止水份流失。好多人都會搞亂Petrolatum(礦物脂)同埋Glycerin (甘油),其實Petrolatum(礦物脂)係靠防止水份流失,而Glycerin (甘油)係吸引水份,係完全唔同㗎。喺揀護手霜嘅時候都可以留意吓啲成份,睇吓係唔係自己想要嘅效果。

除咗買護手霜嘅時候要留意成份之外,仲有啲小貼士可以幫大家隻手維持白白滑滑:
1. 隨時帶定一支護手霜,每逢覺得乾同埋洗完手嘅時候,都要搽一搽。
2. 掂清潔用品或者刺激物品時記得要戴手套。
3. 搽防曬嘅時候唔好唔記得要搽埋雙手。
4. 定期同雙手做去角質護理。
5. 避免用熱水沖涼或者洗手。
有人可能會問,點解隻手搽極都咁乾嘅?因為手掌嘅角質比較厚,所以較難吸收。其實大家可以試吓搽完護手霜之後,再戴上手套,等大約10-15分鐘,咁雙手就會好似敷完mask咁,變得好柔軟㗎喇~

產品介紹:

Neutrogena 潤手霜(淡香)

呢隻蘊含高達40%的甘油成份,仲有無香味去選擇。佢產品介紹嗰度都有話夜晚可以配合棉質手套用,效果更好。


Curel水潤保濕護手霜

加添咗潤浸保濕Ceramide功能成分,提升肌膚自我防禦能力。 水潤乳霜為雙手形成保護膜,防止水分流失,同時抗禦外來刺激。


FT Shisedo 潤手霜

除咗一般常見嘅成份,佢仲加入咗木糖醇做保濕同甘草酸做消炎效果。

Haruhada馬油護手霜

除咗一般常見嘅成份,佢仲加入咗木糖醇做保濕同甘草酸做消炎效果。

Haruhada馬油護手霜

深層滋潤護手霜令雙手回復滋潤柔滑,Hydra IQ配方能誘發手部肌膚天然補濕機能,使雙手在洗手後亦能保持滋潤。

Glysomed特效修護潤手霜

尿囊素同埋丙二醇都有保濕作用,亦加入咗洋甘菊成分舒緩及鎮靜刺激。

建議濕疹患者試新潤膚膏可以喺手背小範圍咁搽上,每次停留30分鐘,早晚各測試一次,連續5日都冇事就可以安心使用。始終各人反應有異,揀到隻自己舒服嘅係最好。記得病發時就唔好亂試藥膏。
如果習慣去連鎖個人護理用品店買個人護理用品,可以用以下信用卡:
用恒生enJoy卡,每月1號以及20號去萬寧消費都有95折。
由即日起至2016年6月30日,以DBS COMPASS VISA於指定類別簽賬(包括於屈臣氏、萬寧、759KAWAIILAND消費),可享5X COMPASS Dollar。