里數換機票 另類選擇－Mileage Plan

平時講開里數換機票，多數都係諗到「亞洲萬里通」或者Avios，但其實有個里數計劃比以上兩個更抵玩，就係阿拉斯加航空旗下嘅Mileage Plan！呢個獎勵計劃可以換到更多唔同公司嘅機票，而所需里數又比「亞洲萬里通」同Avios少，今次就分享俾大家！

合作伙伴
阿拉斯加航空由1944年開始運營，總部設立喺美國，樞紐機場包括西雅圖、洛杉磯、波特蘭。阿拉斯加航空Mileage Plan同超過15間航空公司都有合作，包括「寰宇一家」嘅國泰航空同日本航空，「天合聯盟」嘅大韓航空同法國航空，仲有阿聯酋、維珍美國等等。

唔單止可以將Mileage Plan嘅里數換以上航空公司嘅機票，每次搭完以上公司嘅航班都可以將里數儲入Mileage Plan，只要訂機票時喺選項裡面揀返就得。

以國泰為例，即使係坐最平嘅經濟位，都可以儲到25%里數：

講完合作伙伴，就講下換機票嘅里數。以長途嚟講，就算係同一地方、同一間航空公司，需要嘅里數都比「亞洲萬里通」同Avios少。

里數比較
以搭國泰航空由香港去倫敦嘅單程為例子，雖然經濟位係Avios同Mileage Plan都要3萬里數，但只要42,500里就可以坐到商務位，真係平過其餘兩個好多：

講完長途就講下短途啦，以搭國泰航空來回香港同韓國去計，Avios會係最抵，但如果想體驗一下頭等艙嘅話，不妨以Mileage Plan去換：

除咗以上提到嘅例子之外，只要符合3個條件，就可以有中途停留(Stop-over)嘅機票：
－乘搭阿拉斯加航空嘅航班
－乘搭日本航空嘅航班
－有出發或到達美國嘅航班

介紹完阿拉斯加航空旗下嘅獎勵計劃Mileage Plan之後，以里數換機票去旅行又多個選擇啦！

不過溫馨提示，
1.Mileage Plan嘅里數係以單程去換，所以買來回即係買兩個單程
2.並唔係每個合作伙伴嘅航線都可以換，可以係Reward Charts到睇清楚
3.Mileage Plan兌換里數係以區域去分，例如亞洲區
4.只有兌換國泰航空同智利航空嘅機票係需要打電話去換
5.合作伙伴儲嘅里數係以實際飛行里數去計
6.如有爭議，一切以航空公司嘅決定為準

詳情