里數換機票~信用咭篇

每個人都有自己既嗜好，不知不覺儲里數已成為玲子既嗜好。

將儲里數融入日常生活中，免費機票✈再唔係遙不可及既事！

坊間有不同航空公司既飛行里數計劃，但身處香港既我地，當然係join"亞洲萬里通"！

只要從日常消費著手，機票自然快到手！

1.  最快儲里數既方法，緊係訂購機票，但記緊問清楚張機票可唔可以儲亞洲萬里通既里數，因為有優惠既機票可能無得儲里數架！重有呀 ~ 張boarding pass請保留至你肯定啲里數已入咗戶口先好掉，因為後備里數一定要提供boarding pass架！

2.  信用咭係日常生活中最幫到手，千祈唔好將所有可以換里數既信用咭全部申請哂，只要集中申請幾張就足夠，不過玲子知道每個人有唔同既消費模式，如果唔怕煩，想賺多啲，現時用以下既組合會最著數：

DBS Black Card + 富邦+ Citibank PremierMiles Card 

DBS Black Card：

如果你唔係成日能夠簽咭既人請找數時盡量用呢張咭，不過香港好多地方都用唔倒AE，所以為咗唔浪費任何機會，可以一網打盡，就要申請埋另外2張咭！

優點：積分無限期，轉換里數唔收手續費

缺點：AE咭唔係間間商舖有得簽賬，DBS網上繳費賬單無分；八達通自動增值及分期簽賬只有HK$250  = DBS$1 / HK$12 =DBS$0.048 (1里數)

海外簽賬(1.95%手續費)：HK $84 = DBS$1 / HK $4 = DBS$0.048 (1里數)~澳門除外

本地簽賬：HK$125 = DBS$1 / HK$6 = DBS$0.048 (1里數)

自動轉賬繳交賬單：HK$125 = DBS$1 / HK$6 = DBS$0.048 (1里數)

DBS網上繳費賬單：HK$125 = DBS$0

其他網站網上購物：HK$125 = DBS$6 / HK$12 = DBS$0.048 (1里數)

八達通自動增值：HK$250 = DBS$1 / HK$12 = DBS$0.048 (1里數)

分期簽賬：HK$250 = DBS$1 / HK$12 = DBS$0.048 (1里數)

簡易運算：每DBS$1 X 20.83 = 20.83里數

富邦Titanium咭：

呢張係Master咭，每年既積分計算方法都有更新，係2013年2月28日前既積分計算方式如下：

優點：各大商戶可以用！逢星期六、日每滿HK$300簽賬透過富邦網上繳費賬單、其他網站網上購物及本地簽賬係3張咭中能賺最多里數HK$1 =2 積分 / HK$6 = 12 積分 (1里數)及海外簽賬HK $1 = 4積分 / HK $3 = 12 積分 (1里數)，台灣簽賬HK $1 = 20積分 / HK $0.6 = 12 積分 (1里數)

缺點：簽賬積分每月最多係信用額3倍及積分有限期〈係玲子最討厭既計法！係以開咭日子計一年，即如2010年7月開咭，由2010年7月到2011年7月既積分全部都會係2011年7月到期〉，轉換里數每次需收手續費HK$250。(以下積分優惠計算方法至2013年2月28日。)

台灣簽賬(1.85%手續費)：HK $1 = 20積分 / HK $0.6 = 12 積分 (1里數)

備註: 20積分包括海外簽賬4倍及額外16倍，每月上限之16倍額外積分為80,000積分(即HK$5000)，BLOG友RYAN推介可考慮要分開儲( i.e. 一個月前book酒店簽一輪，旅行果陣又簽一輪)

海外簽賬(1.85%手續費)：HK $1 = 4積分 / HK $3 = 12 積分 (1里數)

生日月份星期六、日每滿HK$300或以上之主卡本地簽賬: 每簽$1 = 3積分/ HK $4 = 12 積分 (1里數)

自動轉賬繳交賬單：HK$1 = 1 積分 / HK$12 = 12 積分 (1里數)

八達通自動增值：HK$1 = 1 積分 / HK$12  = 12 積分 (1里數)

分期簽賬：HK$1 = 1 積分/ HK$12 = 12 積分 (1里數)

本地簽賬、富邦網上繳費賬單、其他網站網上購物：

星期一至五：HK$1 = 1 積分/ HK$12 = 12 積分 (1里數)

星期六、日每滿HK$300：HK$1 = 2 積分/ HK$6 = 12 積分 (1里數)

Citibank PremierMiles Card： 

呢張VISA咭唯一既壞處係網上繳費賬單不計積分 ~

優點：積分無限期，轉換里數不收手續費，3張咭中八達通自動增值能賺最多里數HK$1= 1.5 積分 / HK$8 = 12 積分 (1里數)

缺點：CITIBANK網上繳費賬單：HK$1 = 0 積分

海外簽賬(1.95%手續費)：HK $1 = 3 積分 / HK $4 = 12 積分 (1里數)

本地簽賬：HK$1 = 1.5 積分 / HK$8 = 12 積分 (1里數)

自動轉賬繳交賬單：HK$1 = 1.5 積分 / HK$8 = 12 積分 (1里數)

其他網站網上購物：HK$1 = 1.5 積分 / HK$8 = 12 積分 (1里數)

八達通自動增值：HK$1 = 1.5 積分 / HK$8 = 12 積分 (1里數)

分期簽賬：HK$1 = 1.5 積分 / HK$8 = 12 積分 (1里數)

CITIBANK網上繳費賬單：HK$1 = 0 積分

海外簽賬定義：任何簽賬係月結單出現為非港幣簽賬 ~ 所以到外地旅遊或海外網上購物網時，注意唔好選擇以港幣結算，要用當地幣值結算啊!

總括黎講，平日簽賬用DBS Black Card，星期六、日每滿HK$300簽賬用富邦Titanium咭黎簽賬(包括富邦網上繳費賬單、其他網站網上購物等等)，八達通自動增值及用唔倒AE咭時就用Citibank PremierMiles Card！記住可以既話出張附屬咭比你既伴侶或屋企人，所有積分都會under你名下，積分自然比較容易處理！