講起儲里數,鍾意搭短途機嘅朋友多數都係儲Avios。不過儲咗Avios咁耐,有冇留意自己儲緊嘅係英國航空Executive Club定係Avios.com呢?如果經常去歐遊,搭內陸機嘅話Avios.com嘅選擇會比較多,但如果係去唔同國家旅行就建議揀返英航Executive Club啦。
簡介
其實Avios係一個里數計劃嘅貨幣,類似「亞洲萬里通」嘅Miles,可以換到機票、酒店或者預訂汽車都得。雖然Avios係英國航空旗下嘅計劃,不過有3個途徑可以儲到Avios,包括英國航空Executive Club、Avios.com同西班牙航空。
由於香港多數都係接觸英國航空Executive Club同Avios.com比較多,所以主要講下呢兩個嘅分別。
1.合作伙伴
儲里數換機票緊係要留意下可以換咩航空公司,雖然英國航空Executive Club同Avios.com都可以換英國航空、西班牙航空嘅機票,不過兩個網站都各自嘅合作伙伴,所以要睇真啲先令出票成功率大增。
以英國航空Executive Club嚟講,係換寰宇一家同英國航空嘅機票,包括國泰、卡塔爾同日本航空。
而Avios.com嘅合作伙伴多數都係以歐洲為主嘅航空公司,例如愛爾蘭航空、弗萊比航空同馬耳他航空。
2.Off-peak及Peak season
換機票除咗睇航空公司之外,都要留意埋幾時係旺季,因為旺季難換又要俾多啲里數。而英航Executive Club同Avios.com同時可以睇到幾時係英國航空同西班牙航空嘅旺季,但Avios.com可以睇埋其他合作伙伴嘅旺季。
英航Executive Club只可以查到英國航空同西班牙航空嘅旺季。
而Avios.com就可以睇埋愛爾蘭航空嘅旺季。
轉換Avios
其實英國航空Executive Club嘅官網上已經可以換到,重點係1:1咁換,免手續費!而步驟都好簡單:
登入咗英航Executive Club之後可以搵到「Combine my Avios」
然後確定「Combine my Avios」
然後可以揀想將英航Executive Club嘅Avios轉去邊一個里數計劃
不過溫馨提示,
1.以上提及嘅合作伙伴係以換里數為主
2.如有爭議,一切以英國航空Executive Club及Avios.com為準