里數定回贈 復活節外遊簽卡賺得多

上次講完外遊消費簽卡隨時慳過畀現金，如果再加上額外獎賞，就可以慳上加慳。今次繼續同大家講下復活節期間用得著嘅海外簽賬優惠，等大家旅行食嘢Shopping都可以盡情啲。

 

匯豐 (須登記)
優惠期至：12月31日
優惠：
分三階段 (3/6-6/30、7/1-9/30、10/1-12/31)，外幣簽賬可獲額外5X「獎賞錢」，每位持卡人每階段最高可獲額外$300「獎賞錢」。
賺取額外優惠每階段簽賬額：$15,000

可同時賺取「最紅自主獎賞」優惠，留意「賞中華」不包括香港及澳門簽賬；「賞世界」不包括中國簽賬，但包括澳門簽賬。

 

恒生 (須登記)
優惠期至：12月31日
優惠：
外幣簽賬可獲額外Cash Dollars，全年額外Cash Dollars上限以每張信用卡 (恆生信用卡) 或每位客戶 (恒生優越理財World MasterCard及恒生Visa Infinite卡) 計算。

信用卡 / 可獲Cash Dollar (包括基本Cash Dollars) / 全年額外Cash Dollars上限
恆生信用卡 / 3X Cash Dollars / $1,500 Cash Dollars
恒生優越理財World MasterCard / 5X Cash Dollars / $3,000 Cash Dollars
恒生Visa Infinite卡 / 6X Cash Dollars / $4,000 Cash Dollars

賺取額外優惠全年簽賬額：
恆生信用卡：$187,500
恒生優越理財World MasterCard：$187,500
恒生Visa Infinite卡：$200,000

 

交通銀行 (須登記)
優惠期至：6月14日
優惠：
分三階段 (3/15-4/14、4/15-5/14、5/15-6/14)，海外單一簽賬滿$400或以上，累積滿指定金額，可獲額外積分。
連續3個階段每個階段累積簽賬滿$5,000或以上 (單一簽賬滿$400或以上)，銀聯雙幣信用卡另獲額外20,000積分，Visa卡另獲額外10,000積分。

累積簽賬金額 / 每階段額外積分 (銀聯雙幣卡 / Visa卡)
$5,000-$9,999.99 / 20,000 / 12,500
$10,000-$29,999.99 /  45,000 / 30,000
$30,000或以上 /  150,000 / 100,000
賺取額外優惠每階段簽賬額：$5,000 / $10,000 / $30,000

6月30日或之前累積簽賬滿$2,500或以上 (單一簽賬滿$400或以上)，可換領「旅行套裝」(頸枕及行李帶，價值$299)，名額2,000個。

 

中銀 (須登記)
優惠期至：6月30日
優惠：
以中銀銀聯雙幣信用卡於台灣單一簽賬滿$500或以上，可獲5%簽賬獎賞，每人可獲最多額外$150回贈。
賺取額外優惠簽賬額：$3,000

中銀Visa Infinite卡
海外簽賬可獲3X積分，當月累積滿$15,000或以上，可獲額外3X積分，合共6X。

中銀旅遊賞Visa Signature卡
當月作任何本地零售簽賬3次或以上，並於海外累積簽賬滿$6,000 (單一簽賬滿$500或以上)，可獲8%現金回贈，每個信用卡賬戶每月最高可獲$500現金回贈。
賺取額外優惠每月簽賬額：$6,250

 

富邦白金卡 / Titanium卡
海外簽賬可獲額外積分，台灣簽賬可獲額外16倍積分，每月上限80,000分，每年上限160,000分；日本、韓國簽賬須於簽賬月份登記，額外4倍積分每月上限80,000分。

地點 / 額外積分
台灣 / 20X積分
日本、韓國 / 8X積分
其他地區 / 4X積分

賺取額外優惠簽賬額：
台灣：$5,000 (每月)
日本、韓國：$20,000 (每月)

 

上海商業銀行 (須登記)
優惠期至：5月31日
優惠：
以銀聯雙幣鑽石卡於日本及韓國海外簽賬累積滿指定金額，可獲額外積分，每人於最多可獲80,000分 (包括基本積分)。 

累積簽賬金額 / 積分獎賞
$3,000-$4,999.99 /2X
$5,000-$9,999.99 / 3X
$10,000或以上 / 8X
賺取額外優惠簽賬額：$3,000 / $50,000 / $10,000

 

滙豐、中銀、富邦回贈較高
基本上只要有多過2%回贈，就夠補到外幣交易手續費個差價。當中滙豐Visa Signature卡加埋「賞世界」或「賞中華」、中銀旅遊賞Visa Signature卡、富邦台灣簽賬都有較高嘅回贈比率。另外交通銀行可以換旅行套裝，佢聲稱價值$299，即使簽唔夠$5,000，都可以去換返個，唔使畀錢買。

如果係窮遊，唔會狂買喪食，使錢唔多，細額可以用匯豐同富邦，因為佢冇特別簽賬要求。如果簽得多啲，就可以用中銀旅遊賞Visa Signature卡，有8%回贈都唔錯。

 

里數可低過$2/里
滙豐Visa Signature卡、交通銀行銀聯雙幣信用卡、上海商業銀行、富邦白金卡 / Titanium卡都可以做到$1.X / 里。富邦台灣簽賬甚至去到$0.75 / 里，不過要留意返佢積分有效期只有一年，而且換里數要畀最少$250，最多$500手續費。至於其他簽帳直接賺里數嘅卡有咩選擇，可以參考返我上一篇Blog。

 

留意簽賬額
有啲優惠要求單一簽賬滿指定金額先計數，簽卡時記得先計返港幣幾錢，先決定用邊張卡簽。

 

避免以港幣交易
海外簽卡，有啲舖頭可以用港幣簽賬，不過最好都係簽返當地貨幣，因為外幣簽賬優惠合資格交易通常只計外幣。而且港幣簽賬由舖頭訂，一般會貴過畀信用卡外幣交易手續費，唔划算。另外部分優惠如果係用銀聯雙幣卡，喺中國嘅人民幣簽賬亦唔會當係合資格交易。

 

相關文章
復活節遊日 兌換日圓攻略
現金定簽卡 外遊消費點先抵？