運動飲品好健康?小心越飲越肥

運動飲品好健康?小心越飲越肥

相關信用卡:

運動飲品好健康?小心越飲越肥

發表日期: 2016 年 09 月 09 日 更新日期: 2016 年 09 月 09 日 生活

作者:Yvone 二方

雖然已經踏入9月,不過天氣都仲係幾熱下,喺條街行行下都會成身大汗。走入便利店,面對住咁多唔同種類嘅飲品,你會揀邊款?有啲人會選擇飲運動飲品,感覺上好似健康啲咁,咁樣你就可能已經誤墮咗運動飲品嘅陷阱喇!

運動飲品其實係咩嘢?

運動飲品主要嘅成份係糖份以及鈉,產品聲稱目的係為身體快速補充水份、電解質以及糖份。當我哋做運動嘅時候,流汗會流失水份以及電解質,身體亦會消耗能量。運動飲品通常含有4-8%嘅醣質。

甚麼是電解質?

相信大家都聽過電解質呢個詞語,不過你又知唔知道佢係咩來?電解質其實係指可以溶於水嘅導電物質,當中較重要嘅電解質包括鈉、鉀及鎂。電解質可以維持身體內水份嘅含量,亦會協助肌肉、大腦等運作。

咩時候需要飲運動飲品?
如果你只係進行一個小時左右嘅運動,而家係未有證據顯示飲運動飲品比起飲水好,所以如果唔係劇烈運動或只係進行咗一段短時間,飲水補充返流失嘅水份就足夠喇!不過如果進行超過一個小時嘅劇烈運動,咁就可以飲運動飲品補充水份以及電解質喇。如果咁唔好彩唔舒服肚瀉,運動飲品都可以補充因為肚瀉而流失嘅電解質同水份㗎!

運動飲品好健康?

雖然講到運動飲品好似好好咁,不過就唔係人人啱飲㗎!因為運動飲品入面嘅糖份同鈉質都幾高,一個唔小心就會超標㗎喇!一個人一日從食物及飲品中攝取嘅糖份熱量唔應該超過5%,即係大約30g左右。一樽600ml嘅佳得樂就有36g糖,寶礦力一支500ml亦有33g糖,飲一支運動飲品其實已經係一日建議糖份攝取嘅份量。如果真係好關注糖份嘅含量,而家有公司都推出咗零系嘅運動飲品系列,零系即指無糖嘅意思。

另外,運動飲品內嘅鈉質亦唔可以忽視。根據世界衞生組織嘅建議,為咗減低高血壓以及心血管疾病嘅風險,成人每日嘅鈉攝取量應不多於2g(即等於5g鹽份)。一 支500ml嘅寶礦力就有245mg嘅鈉,即係一日建議攝取量嘅12.25%。加上香港人出去食飯通常都係口味較鹹,一個唔覺意好易超出建議攝取量。如果攝取過量嘅鈉質,可能會影響腎臟以及心臟功能。因此,除非真係做咗運動大量出汗,如果唔係,亂飲運動飲品分分鐘越飲越肥啊!如果係鍾意運動飲品嘅味道,平時喺冇運動嘅情況下淺嚐一杯就好了。


▲寶礦力嘅成份資料

運動飲品vs能量飲品

可能會有人將運動飲品以及能量飲品搞亂咗,以為大家都係差唔多嘅嘢,其實2種飲品嘅原理同成份都唔一樣㗎!運動飲品嘅目的係補充身體流失嘅水份以及電解質,所以成份都係以糖份及電解質為主。相反能量飲品以提升能量及精神為目的,所以成份多數有咖啡因,咖啡因會令身體脫水,同運動飲品嘅作用剛好相反啊!

點解會講運動嘢呢?因為我而家做緊一個每日一萬步嘅活動,想知我每日係點樣行返公司,可以留意番我嘅啊!

由即日起至2016年10月31日,客戶憑匯豐信用卡於百佳單一簽賬滿$500送$50現金券乙張;以手機付款額外送$10,即$60現金券乙張。

信用卡優惠詳情可以去<呢度>睇。

參考資料:
https://www.sportsoho.com/pg/pages/view/193273
http://hprc-online.org/dietary-supplements/dietary-supplement-classification-system-1/copy_of_class-3-supplements/multivitamins-and-minerals
http://www.who.int/nutrition/publications/guidelines/sodium_intake_printversion.pdf