【自願醫保】何謂自願醫保 與普通醫保有何分別
【自願醫保】何謂自願醫保 與普通醫保有何分別
相關信用卡:

【自願醫保】何謂自願醫保 與普通醫保有何分別

發表日期: 2020 年 03 月 20 日 更新日期: 2020 年 12 月 15 日 生活醫療保險自願醫保
作者:編輯部

面對醫療成本持續上升、公營醫療系統不勝負荷,以及團體醫療保障不足等問題,自願醫保計劃(Voluntary Health Insurance Scheme)喺2019年4月正式推出,主要目標有幾個,一來可以為市民提供多一個選擇, 透過住院保險而使用私營醫療服務。另外,對提升住院保險產品嘅保障水平有幫助。長遠希望減低公立醫院嘅壓力。想知自願醫保有咩比普通醫保好,可以繼續睇落去了解更多。

 

自願醫保認可產品特點

自願醫保比起普通醫保,保障範圍同埋對受保人嘅權益都會更加好。

保證續保至100歲

現時市面上好多保險公司都唔接受65歲以上長者買醫療保險,而自願性醫保保單接受投保嘅年齡由15天至80歲,無論於保單生效後您的健康狀況有任何變化,都保證續保到100歲

不設「終身保障限額」

部分符合指定要求嘅靈活計劃可設有終身保障限額。而保障亦會持續至您年滿100歲

21日冷靜期

簽約之後,如果覺得有任何唔妥當,21日冷靜期期間您可取消保單並全數取回已付保費

保費透明度

保險公司必須詳細顯示佢嘅醫保認可產品保費表,一經成功認可,每一認可產品會獲配一個專有的認可產品編號,公眾可以上政府自願醫保計劃網站或者保險公司網頁查閱保費表同計劃資料。

稅務扣除

就自願醫保計劃保單所繳交之保費,根據《稅務條例》(第112章)可申請稅務扣除。如自願醫保計劃保單提供認可產品範圍及其他保險保障,只有就認可產品所付的合資格保費申請稅務扣除。

 

自願醫保保障範圍

自願性醫保產品比現時大部分住院保險嘅保障範圍更闊,擴展嘅保障範圍包括

投保時未知的已有疾病

保單生效日後提供部分賠償(第二年25%、第三年50%),其後提供全面賠償(100%)

先天性疾病治療

保障範圍包括於年滿8歲或以後出現或確診嘅先天性疾病

日間手術

例如在日間診療中心進行嘅內窺鏡包括在保障範圍內

訂明診斷成像檢測

例如電腦斷層掃描、磁力共振掃描及正電子放射斷層掃描包括喺保障範圍內( 設有30%的共同保險)

訂明非手術癌症治療

例如放射性治療、化療、標靶治療包括喺保障範圍內

本港醫院進行嘅精神科住院治療

包括喺保障範圍內,每保單年度可獲最高$30,000賠償

 

自願醫保分為 標準計劃 和 靈活計劃

自願醫保認可產品可分為兩種,分別為標準計劃、靈活計劃。

標準計劃有固定嘅產品設計,符合自願醫保嘅最低合規要求。除了一些獲准嘅差異外,唔同自願醫保嘅產品提供者所提供嘅標準計劃喺產品保障範圍方面大致相同。 靈活計劃就會喺保障範圍更具彈性,並提供超出標準計劃嘅保障,即係所有靈活計劃必須喺整體上保持標準計劃嘅保障之前提下,提供較高嘅保障選項,例如更高嘅保障限額、更闊嘅保障範圍。基於唔同嘅額外保障範圍,市面上嘅靈活計劃亦各有唔同。

標準計劃產品:https://www.vhis.gov.hk/tc/consumer_corner/standard-plan.html

靈活計劃產品:https://www.vhis.gov.hk/tc/consumer_corner/flexi-plan.html

總括嚟講,自願醫保計劃係想令更多人得到基本醫療保障,而且保險公司嘅計劃提供唔少彈性畀受保人選擇。建議各位詳細比較,睇清楚保障、價錢,喺選擇購買「自願醫保」或「普通醫保」前,最緊要係知道自己真正需要邊啲保障,做個精明消費者。

HongKongCard精選自願醫保計劃

自願醫保 VHIS,不但投保可以扣稅,仲有續保至100歲、「未知」及「先天」疾病都能受保等優點。即刻選出最適合自己嘅自願醫保,經HongKongCard成功投保,仲有獨家保費折扣同埋HongKongCard獨家獎賞!

自願醫保折扣獎賞