睇『鋼鋸嶺』見識另類戰爭英雄

睇『鋼鋸嶺』見識另類戰爭英雄

相關信用卡:

睇『鋼鋸嶺』見識另類戰爭英雄

發表日期: 2016 年 12 月 09 日 更新日期: 2016 年 12 月 09 日 生活

作者:Arthur

各位好! 「週未好Hea處」連續三個禮拜介紹咗香港各處充滿聖誕節日氣氛嘅打卡熱點,相信大家都應該玩得盡慶啩。不過正所謂「事不過三」,所以今次就休息一下,我地講下電影!

踏入12月嘅聖誕、新年檔期,新上映嘅電影都唔少,其中有1號上映嘅有『深夜食堂2』、『鋼鋸嶺』同『妖夜尋狼:世紀血戰』等等。而今個星期亦有『今個聖誕無銀用』同『詭異童』等等,仲未計之後會上嘅『星戰外傳』同『刺客教條』等等,睇怕12月都要不停進出戲院啦。

入正題!(而家先係正題?)今日將會同大家介紹上映最近上畫嘅話題作『鋼鋸嶺』。首先我地望下個預告先。

影片係圍繞住二戰一個完美演繹「-6比一切都重要」嘅二戰軍醫戴斯蒙·T·杜斯發展嘅故事,宣傳其實都已經講晒。「二戰軍醫戴斯蒙·T·杜斯單槍一個人喺二戰最慘烈嘅戰場上,不帶武器都成功救下75人」

堅持嚴肅,以反映真實為目標

近年速食文化橫行,大眾娛樂作品統統都係以「放棄思考」同「打打殺殺炸炸炸」為主,通常都盡量會以標準化角色代替要花時間由零交代嘅複雜角色,甚至二創人哋已有嘅角色,慳水慳力又有加乘,都咪話唔爽。

不過,米路吉遜就堅持要由角色塑造開始,電影一開始就集中交代佢由兒童時到受訓時嘅經歷,講述佢嗰套信念係點建立出來。唯一尾中不足嘅係電影對於福音派對佢睇法嘅建構著墨比較少,同埋佢上戰場上前嘅各事件有點「各自為戰」,感覺上故事與故事連唔起來,而佢老婆在劇中同『花開物語』入面緒花嘅男朋友一樣,俾人可有可無、甚至多餘嘅感覺。

戰場上嘅劇情就更加令人配服,比起濫用電腦,以跨張畫面刺激官能(例如有人中槍中到爆腸仲可以舉住抽腸跑足一個沙灘等等…),米路堅持爆破、燒人場面統統真人上,甚至不惜花重金炸農場,反而令人有一種更張嘅真實感,實在令人配服。

真實比創作更離奇

劇中有好幾個地方,都令人有點滑稽嘅感覺。其中包括戴斯蒙「窩利」手榴彈都是真實事件,而大家見到掛在山崖邊嘅網,其實都係戴斯蒙掛上去,話說佢仲喺崖上同大家揮手添,而且竟然冇人開槍打佢添。不過唔知關唔關佢事,話說佢當時揮完手爬落山後,敵人炮火就跟住嚟啦,唔知係咪衰佢揮手俾人睇到呢。

其實所謂鋼鋸嶺就係為於沖繩嘅前田高地。不過個崖就已經剷走咗起屋。
上圖為由前田高地日軍陣地望向當年美軍陣地,下圖就係由美軍視點望向高地

最後,各位諗住去睇戲嘅巴絲打,記住MARK實自己有咩信用卡喺手,唔係分分鐘走漏好多著數架! 如果對各大信用卡優惠有疑問嘅朋友,可以試試參考下列文章!

唔想學傑青連睇戲都要忍?戲院優惠幫你慳 傳送門

信用卡買飛睇戲優惠 (2016版) 傳送門

圖片來源:

前田高地を歩く
HISTORYVSHOLLYWOOD.COM