淘寶購物賺KrisFlyer里數 同AM比邊個抵啲?

淘寶購物賺KrisFlyer里數 同AM比邊個抵啲?

相關信用卡:

淘寶購物賺KrisFlyer里數 同AM比邊個抵啲?

發表日期: 2016 年 07 月 20 日 更新日期: 2016 年 07 月 20 日 Asia Miles 信用卡旅遊

作者:Salad Ho 沙律

除咗Asia Miles,新航KrisFlyer里數計劃都支援用淘寶購物賺里數。兌換率係14 KF Miles / 10 USD,換句話嚟講等於1蚊美金換到1.4 KF Miles,而Asia Miles嗰邊就1蚊美金可以賺1.5AM。AM表面上好似抵少少,不過喺KrisFlyer網上換機票有85折啵!手指公係肉,手指尾又係肉,點揀呀?要知邊位佳麗抵啲就要loop落去睇喇。

​【淘寶購物賺KrisFlyer里數教學】

​​
-淘寶換KrisFlyer里數呢個獎勵只適用於非中國內地IP address用戶。
-記得要login咗KrisFlyer網站同開瀏覽器「cookies」,然後進入KrisFlyer Spree嘅特定淘寶連結去購物,否則可能會追蹤唔到個交易㗎喇。
​-唔好將心水貨逐件加入購物籃再畀錢,因為成個購買過程要逐件一氣呵成完成。

雖然同透過Asia Miles網站賺淘寶過程差唔多,不過嫌我長氣都要講多一次,因為做少個step都可能前功盡廢㗎喇。

1.Click「線上購物賺取哩程」。



2.Click「前往 KrisFlyer Spree」。




3.Click淘寶icon,而家每10 USD可換14 KF Miles。


​4.跳入「愛淘寶」頁面,整個交易一定要喺呢個頁面一氣呵成完成!細心留意可以發現網址由平日「taobao.com」變成「ai.taobao.com」;網頁主顏色由平日橙色變成深橙色。



​5.購物之前要留意少少規矩,否則有可能追蹤唔到個交易而儲唔到里數。
一)唔好click頁頂「淘寶網首頁」/頁尾任何連結。
二)確保每一件想購買嘅商品都可於ai.taobao.com搜索得到。


​6. 首先喺ai.taobao.com搜索欄輸入想搵嘅商品。


​7.喺搜尋結果揀心水貨品。


​8.Click入商品版面,可以睇返張圖~記得唔好click淘寶網Taobao.com標示同左邊分類、排行榜選欄、更加唔好喺商品版面嘅搜索框進行搜索!最好直接click「立刻購買」,完成交易。另外要確保每一次進入商品詳細頁面都要透過愛淘寶頁面完成。


9. 用支付寶/信用卡畀錢就大功告成!

​10.想買購物籃嘅商品方法:

記得唔好直接click購物籃然後畀$。
上面教學亦講過要喺「愛淘寶」頁面一氣呵成完成交易,有咩唔click得可以參考返上面教學嘅圖。

若果要買購物籃嘅商品,首先上淘寶將購物籃嘅商品名稱複製。



然後進入 KrisFlyer Spree,透過網站個淘寶連結進入ai.taobao.com,將頭先copy嘅商品名稱貼喺搜索框度搜索。


搜尋到你想要件貨之後直接購買。


____________________________________

​個人唔建議以儲里數為目標咁瘋狂淘寶,因為淘到佛誕都未必儲到,又易跟甩,而且有唔少網友投訴啲里數到世界未日都未入帳!不過如果淘開寶,當係bonus咁去儲都無妨。(前提係你跟足step冇誤㩒錯其他Link囉)

既然AM同KrisFlyer都可以經淘寶去儲,我就好無聊咁計下經邊個儲嚟換機票抵啲。
​用​​新加坡同澳洲做例子,撇除稅項去睇,如果搶到KrisFlyer Saver獎勵機票,經淘寶儲KrisFlyer 抵啲;而用經濟艙獎勵機票比較嘅話,經淘寶儲AM就抵啲。不過我諗冇乜人會為咗張機票淘咁多錢呱,除非係傻人發現案啦⋯⋯所以純粹參考下好喇。

​​新加坡SIN



​​澳洲PER