消費 App Mileslife 食飯 買門票 簽到 賺里數 教學

消費 App Mileslife 食飯 買門票 簽到 賺里數 教學

相關信用卡:

消費 App Mileslife 食飯 買門票 簽到 賺里數 教學

發表日期: 2018年3月20日 更新日期: 2018年3月20日 儲里數攻略生活教學獎賞錢

作者:卡小姐

Mileslife 註冊

註冊Mileslife帳戶好簡單,打開App後,輸入電話號碼就會收到驗證碼,輸入驗證碼就可以登入,然後填個人資料、里數計劃帳戶同埋信用卡。

Mileslife 註冊 步驟

Mileslife 里數計劃

Mileslife呢個App可以儲到14個里數計劃嘅里數,包括新加坡航空KrisFlyer、ANA、英航Avios、中國東方航空東方萬里行、中國南方航空明珠俱樂部、阿聯酋航空Skywards、長榮航空無限萬哩遊、海南航空金鵬俱樂部、伊比利亞航空Iberia Plus、飛常里程滙、鳳凰知音、卡塔爾航空Privilege Club、四川航空金熊貓俱樂部同美國航空前程萬里。

Mileslife 里數計劃

Mileslife 食飯 賺里數

只要喺指定餐廳食完飯打開個App畀錢,就可以賺到$4/里或$2/里,依家暫時有14間餐廳可以用到Mileslife。

基本優惠

只要食飯個陣撳「買單」,輸入消費金額就會顯示賺到幾多里,仲可以用埋里數券。如果你同時儲開唔同里數計劃,畀錢時可以換唔同計劃。
喺Mileslife App裡面可以用Visa、Mastercard同AE卡畀錢,所以可以賺埋信用卡積分或里數。

Mileslife 食飯 賺里數 步驟

迎新優惠

依家Mileslife有迎新優惠,只要喺「我的里程券」輸入「HK1000」,就會送1,000里程券。只要喺任何餐廳食飯滿$299,就會送額外1,000里。以去餐廳食$300為例,原本係$2/里,會有150 Avios,加上迎新嘅1,000 Avios,加埋係1,150 Avios。如果以登記咗「賞滋味」嘅滙豐Visa Signature卡畀錢,有162 Avios,總共係1,662 Avios。

Mileslife 迎新優惠

Mileslife 訂酒店 賺里數

Mileslife App都可以預訂酒店,喺「旅行/Travel」裡面撳「酒店/Hotel」就會見到有多間酒店。揀好酒店之後撳「選擇套餐/Packages」就可以睇到有咩可以預訂,而唔同價錢又賺到幾多里。不過要留意,暫時只有英文版可以用信用卡畀錢,但中文版有較多選擇。

Mileslife 訂酒店 賺里數


Mileslife 買門票 船票 車票 賺里數

Mileslife App內可以買到香港唔同地方同活動嘅門票,例如迪士尼、海洋公園、山頂纜車、電車全景遊等等。以迪士尼為例,成人一日門票係$638,可以賺到98 Miles。

Mileslife買迪士尼門票


而交通方面都可以賺里數,Mileslife App可以買到澳門船飛、港鐵城際直通車車飛同機場快綫車飛等等。以澳門船飛為例,價錢係$345,可以賺到53里。

Mileslife買澳門船票

不過要留意,雖然中英版都可以揀信用卡畀錢,但中文版會顯示外幣而唔係港幣。

Mileslife 簽到 賺里數

Mileslife除咗消費之外,每日開App「簽到」都可以賺里數,但「簽到」暫時只有中文版先有。打開App後撳「我的」,就會見到「簽到」,只要每日簽到一次,連續簽滿7日就會有得抽獎。抽獎會送里數,由10里至200里不等。

Mileslife 簽到 賺里數

不過溫馨提示,
1.喺「亞洲萬里通」合作餐廳食飯唔一定要可以賺埋「亞洲萬里通」里數
2.要將滙豐Visa Signature卡嘅「獎賞錢」換成Avios要畀手續費
3.如有爭議,一切以商戶及機構最終決定為準