海港城簽賬$4=1里數

又係一單賺里數優惠情報，不過對Lady C.我呢類窮人嚟講要賺到，有啲難度，不過我有信心大家應該輕而易舉地食晒嘅。呢個係渣打新嘅海港城優惠 (詳情)，一單簽滿$8,000以上，就有額外積分，兌返做里數相當於$4=1里數，例如簽$8,000，除咗基本8,000分，仲有額外22,000分，總共30,000分，以15分=1里數計，就係30,000 / 15=2,000里數，亦係等於 $8,000 / 4。又例如簽$24,000，可以賺6,000里數，即係基本24,000分加額外66,000分，總共90,000分。優惠期內每個月最多額外賺66,000分，即係要簽$24,000。

要一單簽滿$8,000以上，唔係累積，睇嚟都要買名牌手袋或者成Full set護膚品先得喇，不過去車展買車落訂就唔計。仲有就係簽完單七日內 (不過大家都係買完即搞，唔會走多轉啦) 記得去海港城個禮品換領處登記，先可以計分。

除咗呢個優惠之外，仲有其他，例如10%現金券回贈、簽滿$500額外多一小時免費泊車，車展、VITA同指定餐廳優惠，做到11月30號。咦，不過有啲優惠好熟口面喎，之前好似都有，只係renew咗優惠期還是未過期呢？