比較多張信用卡的海外簽賬優惠

出外旅行，有時難免會買到停唔到手，發生唔夠現金嘅情況，而喺咁嘅時候，往往會出動到銀包入面嘅信用卡，咁究竟旅行嘅時候碌邊張卡會抵啲呢? 老老實實，大家用信用卡,無非都係想賺下積分,換下飛行里數,或者現金券，換句話講，即係希望喺比錢嘅時候，可以拎返多多少少嘅著數，所以宜家唔少市面上的信用卡，都會推出海外簽賬嘅優惠，與本地消費相比，會有較高嘅兌換積分優惠，咁到底要幾多海外簽賬額，先可以換到一張一百蚊嘅超市現金券呢？

參考返上面個表，其實「星展銀行DBS Black Card」同「恒生Visa卡及萬事達卡」海外簽賬達$8500，就會換到$100嘅超市現金券,不過恒生喺分兩次換,因為佢只有面額$50嘅現金券;但係星展嘅積分就多個選擇,可以換飛行里數($4 = 1里數),而恒生就無。
而「交通銀行白金信用卡」同「東亞銀行World萬事達卡」海外簽賬就要達HK$12500,先換到一張$100超市現金券,而兩者都可以選擇換飛行里數,不過交行張白金卡就$6 = 1里數,而東亞果張就$4 = 1里數。「美國運通國泰航空尊尚卡」就喺每HK$8海外簽賬，直接獲得2「亞洲萬里通」里數，唔需要填換領表格。

相信大家都會留意到「富邦銀行白金卡/Titanium卡」喺台灣簽賬果20倍嘅積分優惠,點解會放喺最後先講呢? 首先,解釋下佢個20倍係點樣黎先,就喺原有海外簽賬4倍積分下,再加上額外嘅16倍獎賞(台灣簽賬,限新台幣),而麻煩嘅喺你想喺邊個月有額外獎賞優惠,就要喺邊個月登記,舉個例子,即喺假設你預計７月去台灣,亦諗住簽卡消費,就要喺返2014年7月1日至31日期間登記，唔可以提前。

另外，無論喺4倍積分，抑或喺20倍積分，佢每月最高可以換到嘅積分都喺「80,000分」,如果假設你喺台灣簽賬,其實簽夠HK$4000,就已經拎晒「80,000分」,換到大約6,500飛行里數,或者喺4張一百蚊超市現金券。
儘管以上信用卡都包含海外簽賬優惠，但具體之細節條款，請先向各信用卡所屬之發卡機構查詢，以了解相關海外簽賬是否享有有關優惠。